झापा , फागुन २२ । नेपाल अंग्रेजी भाषा शिक्षकहरुको संगठन नेपाल इंग्लिस ल्यांग्वेज टिचर्स एशोसिएसन नेल्टा झापाका अध्यक्ष धर्मेन्द्र भट्टराई नेल्टाको केन्द्रीय समिति सदस्यमा मनोनित भएका छन्।
पच्चीस वर्षअघि स्थापना भएको नेल्टामा साविक मेची अञ्चलबाट केन्द्रीय सदस्य हुने भट्टराई पहिलो ब्यक्ति हुन्। अंग्रेजी भाषा शिक्षकहरूको पेशागत विकास , तालिम, गोष्ठी सेमिनार र अन्य अध्ययन सामग्री संचालन तथा प्रकाशनको क्षेत्रमा महत्वपूर्ण भूमिका निर्वाह गर्दै आएका छन् । झापामा विगत ६ बर्षअघि भट्टराईलगायतको पहलमा नेल्टाको स्थापना भएको थियो ।
यस अवधिमा झापा जिल्लामा विभिन्न किसिमका तालिम , गोष्ठी र सेमिनार , प्रबिधिको संचालन गरी दुई हजारभन्दा बढी शिक्षकहरूलाई पेशागत विकासको अवसर प्रदान गरिसकेको जनाइएको छ । शिक्षा र शिक्षकको गुणस्तर बृद्धिका लागि अहम् भूमिका निर्वाह गरेका भट्टराईले राष्ट्रिय तथा अन्तर्राष्ट्रिय क्षेत्रमा आफ्नो बौद्धिक क्षमता प्रस्तुत गरेका छन्। हाल उनी ब्रिटिस काउन्सिल नेपालको राष्ट्रिय प्रशिक्षकको रुपमा कार्यरत छन्।
