बिर्तामोड, बैशाख ९ । पाँचवर्षे कार्यकाल सकिन केही साता बाँकी रहेका बेला बिर्तामोड नगरपालिकाले आफ्नो कार्यकालमा भएगरेका प्रगति पुस्तकमार्फत सार्वजनिक गरेको छ ।
पाँच वर्षमा नियमित प्रक्रियाबाहेक बिर्तामोड नगरपालिकाले उल्लेखनीय काम गर्न सकेको देखिदैन । बाटोघाटो , पुलपुलेसा,विद्युत , खानेपानी , विद्यालय ,तालिम ,अनुदानजस्ता नियमित कामकारवाही मात्र नगरपालिकाले गर्न सकेको हो । निर्वाचन जित्नुअघि नगर प्रमुख ध्रुवकुमार शिवाकोटीले ७५ बुँदे प्रतिवद्धता व्यक्त गरेका थिए । बिर्तामोडको राजमार्गमा आकाशे पुल , ठाउँ ठाउँमा सार्वजनिक शौचालय र स्नान गृह , स्मार्ट सिटी ,अधुवा खोलाको दुवै किनारमा हरियाली मार्ग , ल्यान्डफिल्ड साइटको व्यवस्थापनजस्ता उनको प्रतिवद्धता गफमै सीमित रह्यो । त्यस पुस्तकलाई हेर्दा नगर प्रमुखले चुनावअगाडि प्रतिबद्धता जनाएका एउटै कार्यक्रम र योजना पनि समावेश छैनन् । पुस्तकमार्फत धेरै काम गरेको देखाउन खोजेपनि नयाँ र उल्लेखनीय काम भएको आंैल्याउन सक्ने अबस्था छैन । प्रस्तुत छ बिर्तामोड नगरपालिकाले पाँच वर्षमा गरेका कामको विवरण जस्ताको त्यस्तै ।
२०७४ साल असार १४ गते भएको स्थानीय तहको निर्वाचनबाट बिर्तामोड नगरपालिकामा जनप्रतिनिधिहरु निर्वाचित भएर आएपछि यस नगरपालिका क्षेत्रभित्र भएका विकासका गतिविधिहरु विषयगत रुपमा देहाय बमोजिम छन् ।
१. भौतिक पूर्वाधार विकासतर्फ ः
– बिर्तामोड नगरपालिकाबाट यस अवधिमा जम्मा ६९ किलोमिटर मुख्य सडकहरु कालोपत्रे गरिएको छ ।
–बिर्तामोड बजार तथा ग्रामीण भेगका अधिकांश टोलहरु जोड्ने १७ किलोमिटर सडकमा पेवर्स तथा ब्लक लगाइएको छ ।
–नगरका सबै वडामा आवश्यकता अनुसार सडक ग्राभेल गर्ने कार्य गरिएको छ । नगरभित्र रहेका २२५ किलोमिटर कच्ची सडकमा ग्राभेलिङ गरी स्तरोन्नति गरिएको छ ।
– नगरका विभिन्न स्थानमा साना ठूला पुल तथा कल्भर्ट १२० वटा निर्माण गरिएको छ । साथै ७ वटा फलामे पुल र १ वटा झोलुङ्गे पुल निर्माण गरिएको छ ।
–नगरभित्र विशेष गरी शहरी क्षेत्रका विभिन्न स्थानहरुमा २५ किलोमिटर
नाला, ड्रेन तथा प्लम लगाइएको छ । साथै ग्रामीण क्षेत्रहरुमा पानी निकासका लागि विभिन्न सडकहरुमा २५०० थान ह्युमपाइप जडान गरिएको छ ।
– बिर्तामोड नगरपालिका क्षेत्रभित्र १०७ वटा सामुदायिक भवन (जेष्ठ नागरिक भवन, स्वास्थ्य चौकी, सामुदायिक विद्यालय, मलामी घर, धर्मशाला, कभर्ड हल, संघ संस्थाका भवन) निर्माण गरिएको छ । विभिन्न दाताहरुबाट स्वास्थ्य केन्द्र, वडा कार्यालय, खोप केन्द्र सामुदायिक )भवन निर्माण गर्न करिब २ बिगाह जग्गा निःशुल्क प्राप्त भएको छ ।
–नगर क्षेत्रभित्रका विद्युतीकरण नभएका गाउँ टोलहरुमा टुकीमुक्त अभियान अन्तर्गत विद्युत पोल तथा तार व्यवस्थापन गरी विद्युत विस्तार गरिएको छ ।
– नगरपालिकाको आफ्नो प्रशासनिक भवन र वडा नम्बर १, २, ३ र १०
को आफ्नै भवन निर्माण निर्माण गरिएको छ भने वडा नम्बर ४, ५, ७, ८, ९ भाडामा रहेका छन् र वडा नम्बर ६ को कार्यालय निर्माणाधीन अवस्थामा छ ।
– २ करोड रुपैयाँको लगानीमा बिर्तामोडको पर्यटकीय क्षेत्र विराटपोखरी,सदुमधु पोखरी, सहिद नेत्र पार्क र गरामनीको दुर्गा शक्ति पीठको स्तरोन्नति गरिएको छ ।
– ५० लाख रुपैयाँको लगानीमा बिर्ताबजारको काली मन्दिर पुनःनिर्माण
गरिएको छ ।
– वडा नम्बर ८ मा रहेका अतिविपन्न ३७ परिवारका लागि आधारभूत सेवा सुविधासहितको आवास निर्माण गरी नगर गौरव भिलेज स्थापित गरिएको छ । उक्त नगर गौरव भिलेजको तत्कालीन प्रधानमन्त्री के.पी. शर्मा ओलीले उद्घाटन गरेका थिए । बिर्तामोड नगरपालिकाको लोकप्रिय कार्यक्रम ‘विपन्न आवास’ अन्तर्गत यस ५ वर्षको अवधिमा ५०६ वटा आवास निर्माण गरेर विपन्न तथा गरिब परिवारलाई हस्तान्तरण गरिसकिएको छ । साथै चालु आ.ब. मा थप १०० वटा घर निर्माण गरिनेछ ।
– वडा नम्बर २ र १० मा १६२ वटा विपन्न परिवारको घरको फुसको छानो हटाएर जस्तापाता लगाइएको छ ।
– बिर्तामोड बजारको मुक्तिचोक पूर्व–पश्चिम–उत्तर–दक्षिण ६५ वटा सिसी क्यामेरा जडान गरिएको छ ।
– प्रदेश सरकारको सहयोगमा बिर्तामोड नगरपालिका वडा नम्बर ३ मा डोमालाल राजवंशी रङ्गशाला र बिर्तामोड वडा नम्बर ४ मा रहेको मदन भण्डारी खेलग्राम निर्माण भइरहेको छ ।
– नगरपालिकाले नगरवासीको समस्यालाई ध्यानमा राख्दै नदी कटान नियन्त्रणका लागि विभिन्न खोला खोल्सीहरुमा ९ किलोमिटर तटबन्ध गरेको छ ।
– बिर्तामोड नगरपालिका क्षेत्रभित्रका १० वटै वडामा गरी विपन्न कृषकहरुको घरमा ३५१ थान गोबरग्यास जडान गरिएको छ । बिर्तामोड नगरपालिकाले बिना भेदभाव समानुपातिक र सन्तुलित रुपमा सञ्चार क्षेत्रको प्रबद्र्धन र विकास गर्न प्रारम्भ गरिएका कार्यक्रमहरुलाई निरन्तरता दिएको छ । नगरबाट प्रकाशन प्रसारण हुने पत्रपत्रिका, रेडियो टेलिभिजन र अनलाइनको विकास र प्रबद्र्धनका लागि वार्षिक रुपमा लोक कल्याणकारी विज्ञापनका लागि अनुदान प्रदान गरिँदै आएको छ ।
शिक्षातर्फ ः
यस तालिकामा शिक्षा, युवा तथा खेलकुद क्षेत्रमा नगरका सबै वडामा भएका विकासका गतिविधिहरु समावेश गरिएको छ ।
१. विद्यालयहरुमा २ कक्षा कोठा थप भएका भवन –६ वटा
२. ४ कोठा विद्यालय भवन निर्माण भएका –६ वटा
३. नयाँ शौचालय निर्माण भएको– ५ वटा
४. पुरानो शौचालय मर्मत भएको –१३ वटा विद्यालय
५.खानेपानी फिल्टर प्लान्ट– १८ वटा (७ वटा विद्यालयमा अन्य क्षेत्रबाट व्यवस्थापन भएको)
६. वालविकास केन्द्रको पार्केटिङ – १५ वटा (२७ वटा कक्षा कोठा)
७. खाजा घर निर्माण–९ वटा (विद्यालय व्यवस्थापनमा ४ वटा)
८. पुरानो खाजा घर मर्मत– ६ वटा
९. विद्यालय घेराबारा – ५ वटा
१०. खेल मैदान निर्माण– २ वटा (महेन्द्ररत्न र मदन भण्डारी खेलग्राम)
११. आइसिटी (क्ष्ऋत्) – १२ वटा
१२. प्रविधिमैत्री कक्षाकोठा व्यवस्थापन– ४० वटा (कक्षा १ देखि ५सम्म)
१३. पुस्तकालय निर्माण –११ वटा
१४. विज्ञान प्रयोगशाला निर्माण ८ वटा
१५. स्टेज निर्माण– १ वटा
१६. जग्गा व्यवस्थापन –१ (महेन्द्ररत्न माध्यमिक विद्यालय)
१७. महेन्द्ररत्न मावि – २ वटा भवन
१८. संघ र प्रदेशबाट प्राप्त रकमबाट स्मार्ट बोर्डसहितको प्रविधिमैत्री कार्यक्रम –
६ वटा
१९. ई–हाजिरी जडान र नेट –१८ वटा
२०. बुक कर्नर तथा र्याक निर्माण(बाल विकास कक्षा)– २७ वटा
२१. ल्यापटप वितरण (प्रति विद्यालय १ थान) – १८ वटा
२२. अटिजम कक्षा कोठा व्यवस्थापन –३ कोठा
२३ प्राविधिक कार्यक्रम सञ्चालन भएका विद्यालय –१ सामुदायिक
२४. सिटिइभिटीका प्राविधिक शिक्षण सञ्चालन गर्ने संस्थाहरु – २ वटा सामुदायिक,७ वटा निजी
–गरामनी क्याम्पस सञ्चालनका लागि दाताबाट ९ कठ्ठा जग्गा प्राप्त गरी भवन निर्माण सम्पन्न गरिएको छ ।
–बिर्तामोड नगरपालिकाभित्रका सबै सामुदायिक तथा संस्थागत विद्यालयहरुमा कक्षा १ देखि ८ सम्म स्थानीय पाठ्यक्रम÷पाठ्यपुस्तकका रुपमा आचरण शिक्षा लागु गरिएको छ । जसबाट बालबालिकाहरुमा स्थानीय स्तरको भौगोलिक, आर्थिक ऐतिहासिक, पौराणिक, पुरातात्विक, संस्कृति, नैतिक मूल्य र मान्यता जस्ता विषयमा जानकारी प्राप्त भएको पाइन्छ । साथै नगरपालिकाले शैक्षिक विकास गर्न आफ्नो नीति तथा कार्यक्रममा प्रमुख प्राथमिकतामा राखेको छ ।
–ल्यापटप वितरण गरिएका प्रत्येक विद्यालयमा १ जना शिक्षकलाई तालिमको व्यवस्था गरिएको छ । अपाङ्गता भएका बालबालिकाहरुलाई सीपमुलक तालिम प्रदान गरियो । बालविकासदेखि कक्षा ५ सम्मका बालबालिकाहरुलाई विद्यालय पोशाकको व्यवस्था गरिएको छ ।
– आर्थिक वर्ष २०७६÷०७७ देखि बालविकास केन्द्रका सहजकर्ता र विद्यालयका कर्मचारीहरुलाई नेपाल सरकारले तोकेको न्यूनतम पारिश्रमिक उपलब्ध गराइएको छ ।
–सबै सामुदायिक विद्यालयहरुमा शुद्ध स्वच्छ पिउने पानी, सफा शौचालय अभियान तथा फिल्टरसहितको खानेपानीको व्यवस्थापन ।
–सबै सामुदायिक विद्यालयहरुमा विद्यालयको अभिलेखीकरणलाई व्यवस्थित गर्न र जिन्सी र लेखा श्रेस्तालाई व्यवस्थित गर्न विद्यालयको प्र.अ. र लेखा कर्मचारीलाई ३ दिने तालिमको व्यवस्था गरी लेखा प्रणालीलाई व्यवस्थित गर्न शुरु गरिएको छ। –पर्यटन क्षेत्रको जनशक्ति उत्पादनका लागि नाथुराम कलेज स्थापना र सञ्चालन ।
–आ.व. २०७४÷०७५ सम्मको अवस्थामा न्युन विद्यार्थी संख्या भई विद्यालय बन्द हुने अवस्थामा रहेको शहीद लक्ष्मी प्राथमिक विद्यालय बिर्तामोड–९ लाई नगरपालिकाबाट विद्यालयको भौतिक, शैक्षिक, आर्थिक पक्षमा लगानी गरी अभिभावक तथा स्थानीय समुदायको सक्रियतामा पुनः परिचालनबाट उक्त विद्यालयमा शैक्षिक क्रियाकलाप सञ्चालन गरी सो विद्यालय नमूनाको रुपमा विकास गरिएको छ । सबै सामुदायिक संस्थागत विद्यालयहरुमा सघन अनुगमन गरी पृष्ठपोषण विद्यालयहरुमा प्रदान गरिएको छ ।
–आर्थिक अवस्था कमजोर भएका नगरका १७ वटा सामुदायिक विद्यालय तथा ३ वटा धार्मिक विद्यालयका ३ हजार ७ सयभन्दा बढी विद्यार्थीलाई पोशाक वितरण गरिएको छ ।
– संस्थागत विद्यालयमा न्यूनतम् १० प्रतिशत गरिब तथा जेहेन्दार विद्यार्थी छात्रवृत्ति कार्यक्रम
– विद्यालय खाजा कार्यक्रम
– निःशुल्क सेनिटरी प्याड वितरण कार्यक्रम
– इ–हाजिरीको व्यवस्था
– नमूना विद्यालय विकास कार्यक्रम
–धार्मिक विद्यालय (मदरसा, गुरुकुल लगायत) शैक्षिक कार्यक्रममा सहयोग
पशुपंक्षी तथा मत्स्य विकासतर्फ ः
नगरपालिकाका विपन्न तथा साना किसानहरुको गाईगोठ सुधारका लागि अनुदान दिई ३०६ वटा गाईगोठ निर्माण, ४१८ वटा बाख्राको खोर निर्माण तथा ४९५ वटा बाख्रा, १४ वटा बोयर जातका बोका समेत वितरण गरियो । ३७२ वटा बंगुर खोर निर्माण तथा ३३० वटा बंगुर वितरण गरियो । ७५ वटा लोकल कुखुराको खोर निर्माण तथा ७०० वटा कुखुराका चल्ला वितरण गरियो ।
– च्यापकटर (घाँस काट्ने मेसिन) २८० जना कृषकहरुलाई वितरण गरिएको छ । –नगरपालिकाको तर्फबाट विभिन्न स्थानमा ४० वटा फ्रेस हाउस निर्माण गरिएको छ ।
– दुग्ध व्यवसाय गर्ने २२ जना किसानहरुलाई मिल्क क्यान वितरण गरियो।
– पशुपक्षी तथा मत्स्य विकास शाखाले ५ पटकमा १२ सय वटा
सामुदायिक कुकुर बन्ध्याकरण गरेको छ ।
– गाईभैंसीमा नश्ल सुधारका कार्यक्रम, हिउँदे तथा बर्खे घाँस वितरण, बोका, गोरु, राँगा र बंगुर बन्ध्याकरण सेवा सञ्चालन, महामारीजन्य रोगहरुको खोप, सबै प्रकारका रोगहरुको शिविरमार्फत् उपचार, गाई, भैंसी र बाखामा पशु बीमा कार्यक्रम, डालेघाँस वितरण कार्यक्रम, सबै वडाका कृषकहरुलाई पशु तथा कृषि बीमा तालिम, पशुहरुलाई खोरेत, स्वाइन फिबर, चरचरे भ्यागुते, मिनिकिट वितरण लगायतका महत्वपूर्ण कामहरु पनि सम्पन्न गरेको छ ।
–वडा नम्बर ४ मा कार्यालय भवन निर्माण सम्पन्न गरी पशुपंक्षी तथा मत्स्य विकास शाखा आफ्नै भवनमा सारिएको छ । पशु आहार व्यवस्थापनका लागि साइलेस मेसिन ठूलो र मिनी साइलेस मेसिन वितरण गरिएको छ । रेबिज उन्मूलनका लागि विभिन्न कार्यक्रम सम्पन्न गरियो भने कुकुर तथा बिरालोका लागि ३६५ दिन नै निःशुल्क खोप वितरण गरियो। यस शाखाले बजार प्रबद्र्धन अन्तर्गत बंगुुर पकेट कार्यक्रम सञ्चालन, साना किसानहरुका लागि मत्स्य पालन पकेट कार्यक्रम सञ्चालन गरेको छ । स्वस्थ दूध उत्पादनका लागि थुनिलो रोग निवारण कार्यक्रम, बाँझोपन निवारण कार्यक्रम, कृत्रिम गर्भाधान कार्यक्रम सम्पन्न गरेको छ । संघीय सरकारको अनुदानमा बिर्तामोडमा मिट मार्टको स्थापना
गरिएको छ ।
कृषि विकासतर्फ ः
– विभिन्न वडामा ५३७ वटा मोटर बोरिङ जडान गरी करिब २००० बिघा जग्गामा सिँचाइको व्यवस्था गरिएको छ । यो वर्ष १५० वटा मोटर बोरिङ जडान गरी थप ४५० बिघा जमिनमा सिँचाइको व्यवस्था गरिनेछ ।
–कृषकहरुलाई विभिन्न औजार उपकरण हस्तान्तरण गर्ने कार्यक्रमअन्तर्गत ८ वटा पावर टेलर, ९० वटा मकै छोडाउने मेसिन, १७ वटा धान काट्ने मेसिन, ८ वटा चिया टिप्ने मेसिन, ९ वटा मिनी टेलर हस्तान्तरण गरिएको छ ।
–मेयर विषादीमुक्त कार्यक्रमअन्तर्गत १३८ वटा कृषक समूहहरुलाई प्लास्टिक, ग्रिनेट स्प्रे ट्यांकी, मलचिङ्क तथा २५ टन कृषि चुन वितरण गरिएको छ । यसैगरी १ लाख ३८ हजार विभिन्न फलफूलका बिरुवा वितरण गरिएको छ ।
–मेयर पकेट कार्यक्रमअन्तर्गत ९० बिघा जग्गामा आलु खेती, १०० बिघा जग्गामा सूर्यमुखी, ६० बिघामा राजमा, ३०० बिघा जग्गामा तोरी खेती, ६० बिघामा फापर खेती गर्न, २० बिघामा कछु खेती गर्न कृषकहरुलाई बीउबिजन तथा विभिन्न कृषिजन्य औषधी उपलब्ध गराइएको छ । ११ वटा माछा पोखरी निर्माणका लागि अनुदान दिइएको तथा माछा भुरा उत्पादनको लागि १ जना कृषकलाई अनुदान दिइएको ।
–कृषि शाखाले व्यावसायिक कृषकहरुको लागि धान तथा तरकारीको लागि विषादी, मकैको बीउ, कौसी खेतीको लागि तालिमलगायत नगरस्तरीय विभिन्न कृषक समूहहरुलाई बीउविजन समेत वितरण गर्दै आएको छ ।
–यस नगरपालिकाअन्तर्गत कृषिथोक बजारमा रहेको ल्याबमा विषादी परीक्षण गर्दा ३५ भन्दा माथि विषादीको भ्याल्यु रहेकोमा मेयर विषादीमुक्त कार्यक्रमहरु सञ्चालन गरेपश्चात् हाल विषादीको भ्याल्यू न्यूनतम ५ प्रतिशतसम्म आएको अवस्था देखिन्छ । साथै उक्त प्रयोगशालालाई थप प्रभावकारी बनाउन नगरपालिकाबाट आवश्यक स्रोत साधन तथा जनशक्ति उपलब्ध गराइएको छ ।
–नगरभित्रका मौरीपालक किसानहरुका लागि आवश्यक तालिम तथा ४२ वटा घारसहितको मौरी वितरण गरिएको छ ।
–कृषिथोक उपज बजारमा ५० लाख रुपैयाँको लागतमा बजार केन्द्र भवन निर्माण गरिएको छ ।
–वडा नं. ७ मा दूध चिस्यान केन्द्र स्थापना गरिएको छ ।
– ६ करोड रुपैयाँको लागतमा देउनिया सिँचाइ आयोजना निर्माण भइरहेको र यस परियोजनाले २०० बिघा जग्गा सिञ्चित हुनेछ ।
– वडा नम्बर ७ मा २ वटा, वडा नं. ८ मा १ वटा र वडा नं. ६ मा १ वटा डिप बोरिङ निर्माण गरिएको छ ।
–च्याउ उत्पादनका र धान उत्पादनका लागि एक–एक कृषक समूहलाई अनुदान उपलब्ध गराइएको छ । तरकारी उत्पादनका लागि २० जना साना किसानलाई अनुदान उपलब्ध गराइएको छ ।
स्वास्थ्य शाखातर्फ ः
–यस अवधिमा १० वटै वडामा जग्गा प्राप्त भई स्वास्थ्य केन्द्रको भवन निर्माण गरी स्वास्थ्य सेवा प्रवाह गरिएको, नगरमा नगर अस्पताल स्वीकृत गरी बीमासहितको सेवा विस्तार गरिएको, नगर अस्पतालको भवन निर्माण कार्य अन्तिम चरणमा रहेको ।
–नगरपालिका क्षेत्रभित्रका चार हजार विपन्न परिवारको निःशुल्क स्वास्थ्य बीमा –नगर अस्पतालबाट स्वास्थ्य बीमा कार्यक्रम सुरु गरी नगरका १० वटै वडाबाट निःशुल्क औषधीसहितको गुणस्तरीय स्वास्थ्य सेवा प्रदान गरिँदै आएको छ ।
– नगर प्रमुखसँग जेष्ठ नागरिक कार्यक्रमअन्तर्गत सुगर र प्रेसरका औषधी निःशुल्क उपलब्ध गराइँदै आएको छ । साथै निःशुल्क स्वास्थ्य शिविर समेत सञ्चालन गरिँदै आएको छ ।
–उपमेयरसँग गर्भवती महिला कार्यक्रम सञ्चालन गरी त्यसका माध्यमबाट निःशुल्क क्याल्सियम चक्की वितरण गरिँदै आएको छ । गर्भवती महिलालाई निःशुल्क भिडियो एक्स–रे सेवा, निःशुल्क ल्याबको एएनसी प्याकेज र सुत्केरी गराउँदा यातायातको निःशुल्क सेवा प्रदान गरिँदै आएको छ ।
– नगर अस्पतालको लागि रोटरी इन्टरनेशनलसँग समन्वय गरी ६ वटा डायलायसिस मेसिन ल्याइएको छ । कोरोना भाइरसको संक्रमण नियन्त्रणका लागि स्वास्थ्य सामग्री चिकित्सकसहित घरदैलो अभियान गरियो।
–कोभिड १९, हात्तीपाइले, डेंगु लगायत विभिन्न रोगहरु नियन्त्रणका लागि विभिन्न स्वास्थ्य अभिमुखीकरण कार्यक्रम सम्पन्न ।
–सुरक्षित गर्भपतन सेवा बिर्तामोड नगर अस्पतालबाट नियमित रुपमा सुरु।
– सुत्केरी महिलालाई घरमै गई गरिने जाँच सेवा एल्ऋ ज्यmभ ख्ष्कष्त सुरु बिर्तामोड नगरपालिकाको समन्वयमा बिर्तामोडस्थित अञ्जली अस्पतालमा निःशुल्क बर्थिङ सेन्टर स्थापना गरी हालसम्म ८३ जनाको नर्मल डेलिभरी र ३१६ जनाको शल्यक्रिया गरी जम्मा ३९९ जनालाई सेवा प्रदान गरिएको । नगर अस्पताललाई प्रदेश स्वास्थ्य आपूर्ति निर्देशनालयमार्फत् पाठेघरको मुखको क्यान्सरको प्रारम्भिक उपचारका लागि मेसिन प्राप्त ।
कोभिड तथ्याङ्क
– पिसिआर जाँच संख्या ः ५६८२ जना, संक्रमित ः ५०५८ जना
– एन्टिजेन जाँच संख्या ः ४४३६ जना, संक्रमित ः ११२४
–होल्डिङ सेन्टरमा राखेको संख्या ः १७७४ जना
–आइसोलेसन हस्पिटलमा भर्ना भएको बिरामीको संख्या ः ८६ जना कोभिडबाट –मृत्यु भएको संख्या ः ६७ जना
–सिआईसिटी टिमले संक्रमित बिरामीको घर–घरमा गएर उपचार गरेको
संख्या ः ४८७७ जना
– हालसम्म कोभिड भ्याक्सिन लगाउनेको संख्या ः १,१३,७३२ जना
न्यायिक समितितर्फ ः
– आर्थिक वर्ष २०७५ ÷०७६ मा दर्ता भएका १ सय ६६ वटा र जिम्मेवारी सरि आएका २३ वटा गरी १ सय १८९ वटा मुद्धामध्ये १ सय ५५ वटा फछ्र्याैट गरियो ।
– आर्थिक वर्ष २०७६ ÷०७७ मा दर्ता भएका ८३ वटा र अघिल्लो वर्षबाट सरि आएका ११ वटा गरी जम्मा ९४ वटा मुद्धामध्ये ८५ वटा फछ्र्यौट गरियो ।
– आर्थिक वर्ष २०७७ ÷०७८ मा दर्ता भएका ५९ वटा र जिम्मेवारी सरि आएका ९ वटा गरी जम्मा ६८ वटा मुद्धामध्ये ५३ वटा फछर्यौट गरियो ।
– आर्थिक वर्ष २०७८ ÷०७९ मा दर्ता भएका ३९ वटा (हालसम्म)र जिम्मेवारी सरि आएका १५ वटा गरी जम्मा ५४ वटा मुद्धामध्ये ३६ वटा फछर्यौट गरियो ।
– न्यायिक समितिबाट २ वटा मुद्धा पुनरावेदन गरिएको छ । पुनरावेदनले त्यसमध्ये एउटा मुद्धामा न्यायिक समितिकै फैसला सदर गरिएको छ ।
– वडाका मेलमिलाप केन्द्रलाई न्यायिक निरुपणमा अब्बल बनाई राख्नका लागि मेलमिलाप सम्बन्धी तालिम लिएर योग्यता पुगेका उम्मेदवारहरुलाई मेलमिलापकर्तामा सूचीकृत गरी वडा कार्यालयको मेलमिलाप केन्द्रमा पनि सहज रुपमा उजुरीमाथि मेलमिलाप भईरहेको छ ।
सामाजिक विकास (महिला बालबालिकातर्फ) ः
आर्थिक वर्ष २०७४÷०७५ देखि आर्थिक वर्ष २०७८÷०७९ सम्मको (महिला, बालबालिका, ज्येष्ठ नागरिक, अपाङ्गता) सम्बन्धी उल्लेखनीय प्रगति भएको छ । यस अवधिमा नेतत्व तथा संस्थागत विकास तालिम. समूह सदस्यहरुको अनुशिक्षण, लैङ्गिक हिंसा निवारणको लागि न्यायिक समितिको क्षमता विकास तालिम सञ्चालन, ज्येष्ठ नागरिकसँग सम्बन्धित सरोकारवालाबीच अन्तरक्रिया, स्थानीय अपाङ्गता समन्वय समिति गठन, नगरस्तरीय बाल क्लब गठन, नेतृत्व तथा क्षमता विकास तालिम, महिला बालबालिका ज्येष्ठ नागरिक तथा अपाङ्गता भएका व्यक्तिहरुको तथ्यांक संकलन तथा अद्यावधिक, लैङ्गिक हिंसा निवारण कोष सञ्चालन, अन्तर्राष्ट्रिय महिला दिवस, लैङ्गिक हिंसा विरुद्धको १६ दिने अभियान, राष्ट्रिय बाल दिवस, जेष्ठ नागरिक दिवस, अन्तर्राष्ट्रिय अपाङ्गता दिवस, अपाङ्गता भएका व्यक्तिहरुलाई सहायक सामग्री वितरण (व्हील, चियर, वैशाखी, सेतो छडी) आदि कार्यक्रम सञ्चालन भएका छन् । आर्थिक वर्ष २०७४÷०७५ देखि आर्थिक वर्ष २०७८÷०७९ सम्मको अवधिमा निम्न अनुसार अपाङ्गता तथा जेष्ठ नागरिक परिचय पत्र वितरण गरिएको छ ।
रातो परिचय कार्ड ’क’ –१७२ जना
निलो परिचय कार्ड ’ख’ –२२४ जना
पहेलो परिचय कार्ड ’ग’ –५१ जना
सेतो परिचय कार्ड ’घ’ – २० जना
जेष्ठ नागरिक परिचय पत्र –१९४९ जना
– नगर क्षेत्रभित्र रहेका १ सय वर्षभन्दा माथिका ज्येष्ठ नागरिकहरुलाई
घरघरमै गएर सम्मान तथा पौष्टिक खाद्यान्न वितरण ।
सहकारी तर्फ ः
–बिर्तामोड नगरपालिकाका १० वटै वडामा करिब ३०० टोल विकास
संस्था गठन भई १४ हजारभन्दा घरधुरी आबद्ध भएका छन् ।
–बिर्तामोड नगरपालिका क्षेत्रभित्रका ३१ वटा र प्रदेशको मातहतमा रहेका ९१ वटा सहकारी सञ्चालन रहेका छन् ।
–सामाजिक विकास तथा सहकारी शाखाले लेखापालन तालिम तथा सहकारी अन्तरक्रिया कार्यक्रम सम्पन्न गरेको छ ।
–यस शाखाको रोहबरमा कोभिडको महामारी नियन्त्रणमा सहयोग पु¥याउने उद्देश्यले पहिलो भेरियन्टको समयमा सहकारी क्षेत्रबाट ३३ लाख रुपैयाँ संकलन गरेको छ ।
पञ्जीकरण तथा सामाजिक सुरक्षातर्फ ः
आर्थिक वर्ष २०७७÷७८ सम्मको तथ्याङ्कअनुसार बिर्तामोड नगरपालिकामा जेष्ठ नगारिक भत्ता (७० वर्ष भन्दा माथि)को संख्या ३ हजार ६४१ जना, जेष्ठ नागरिक भत्ता (दलित) १८९ जना, जेष्ठ नागरिक एकल महिला ८१२ जना, विधवा १ हजार ११७ जना, पूर्ण अपाङ्गता भत्ता २४४ जना, अति अशक्त अपाङ्गता भत्ता २४१ जना, दलित बालबालिका २२९ जना, लोपोन्मुख जाति १५८ जनाले लिँदै आएका छन् । आर्थिक वर्ष २०७७÷७८ सम्मको तथ्याङ्क अनुसार बाहिरबाट बिर्तामोडमा बसाई सरी आएको संख्या ३ हजार ३३१ रहेको छ भने बिर्तामोडबाट बसाई सरेर जानेको संख्या ८२९ रहेको छ ।
राजश्व परिचालनतर्फ ः
– करका मुख्य शीर्षकहरुमा राजश्व संकलनको दरमा बृद्धि
– व्यवसाय दर्ता तथा खारेजी सम्बन्धी व्यवस्थापकीय कार्यमा सुधार
–व्यवसाय दर्ता, नवीकरण तथा बहालकर सम्बन्धी घुम्ती सेवा सञ्चालन
–बहालकर संकलन कार्य प्रभावकारी रुपमा सञ्चालन गरी, राजश्वमा बृद्धि
–बुधबारे सटर भाडा, बिर्ताबजार, गरामनी टहराको भाडा असुलउपर गर्ने कार्य
गरिएको।
–पुँजीगत लगानी र आर्थिक कारोबारको आधारमा व्यवसाय कर निर्धारण गर्न नीतिगत तथा कानुनी व्यवस्थामा परिवर्तन गरिएको ।
–राजश्व संकलनमा आवश्यक पर्ने कानुनी बन्दोवस्तको कार्य गरिआई ठेक्का बन्दोवस्त कार्यविधि, व्यवसाय कर संकलन कार्यविधि आर्थिक ऐन तर्जुमा गरी कार्यान्वयन गरिएको ।
–दण्ड तथा जरिवानाको प्रावधान राखी सडक अतिक्रमण तथा फोहोर जथाभावी फाल्नेलाई आवश्यक कारबाहीको व्यवस्था गरियो ।
–राजश्व परामर्श समितिको बैठक समय सीमाभित्र राखी आवश्यक निर्णय लिने व्यवस्था मिलाइयो।
–राजश्व सुधार कार्य योजना तर्जुमा गर्ने कार्यलाई अघि बढाइयो।
घर नक्सा व्यवस्थापनतर्फ ः
–बिर्तामोड नगरपालिका योजना तथा भवन निर्माणसम्बन्धी आधारभूत निर्माण सम्बन्धी आधारभूत मापदण्ड निर्माण गरी नगरपालिकाको क्षेत्रभित्र सम्पूर्ण घरहरुलाई मापदण्डअनुरुप निर्माण गराउने, त्यसबाट राजश्व संकलन गर्ने, सुपरीवेक्षण गर्ने र प्रमाण पत्र प्रदान गर्ने
–मापदण्डभन्दा अगावै बनेका घरहरुलाई अभिलेखीकरण गर्ने र राजश्व संकलन गर्ने र प्रमाणपत्र दिने
–अनुगमन गर्ने र मापदण्ड विपरीत निर्माण भएका घरहरुलाई कानून बमोजिम कारबाही गर्ने
– दक्ष कालिगढ र ठेकेदारले मात्र नगरपालिकाको क्षेत्रभित्र घर निर्माण गर्न मिल्ने भएको हुँदा दक्ष जनशक्ति उत्पादनका लागि विभिन्न प्रकारका तालिम आयोजना गरियो ।
–२०७७ सालदेखि यताका हार्डकपीलाई व्यवस्थापन गरी घर नक्साको अनलाइन सिस्टमको थालनी गरियो।
प्रधानमन्त्री रोजगार कार्यक्रमअन्तर्गत भएका प्रगति विवरण
– सूचीकृत कुल बेरोजगार संख्या ः ७०१ जना
– रोजगारीमा संलग्न श्रमिकको संख्या ः १२५ जना
– प्रदान गरिएको औसत रोजगारीको दिन ः ६२ दिन
–कुल आयोजना संख्या ः २४ वटा कामका लागि पारिश्रमिक अन्तर्गत श्रमिकको ज्यालामा साझेदारीको आयोजना संख्या ः १५ वटा
–युवा रोजगारीका लागि रुपान्तरण पहल आयोजना संख्या ः ९ वटा
–कामका लागि पारिश्रमिकमा आधारित आयोजना तथा युवा रोजगारीका लागि रुपान्तरण पहल आयोजना अन्तर्गत सञ्चालन गरिने आयोजनाहरुको छनौट गर्न वडासँग समन्वय गरिएको ।
–बैंकिङ्ग प्रणालीबाट श्रमिकको ज्यालाको भुक्तानी गरिएको । बेरोजगारहरुलाई उद्यमशील बनाउन अभिमुखीकरण कार्यक्रम गराई परामर्श दिएको।
–बेरोजगार दर्ता फारम भर्ने व्यक्तिहरुको विवरण रोजगार व्यवस्थापन सूचना प्रणालीमा भरी सो व्यक्तिलाई दर्ता गरिएको।
–सञ्चालन गरिएका कामका लागि पारिश्रमिकमा आधारित आयोजनाहरु रोजगार व्यवस्थापन सूचना प्रणालीमा प्रविष्ट गरियो।
–काममा खटिएका श्रमिकहरुका लाभग्राही परिचयपत्र अद्यावधिक गरियो।
–भुक्तानी भएका श्रमिकको ज्याला विवरण रोजगार व्यवस्थापन सूचना प्रणालीमा प्रविष्ट गरियो ।
–सम्पन्न भएका कामका लागि पारिश्रमिकमा आधारित आयोजनाहरु
रोजगार व्यवस्थापन सूचना प्रणालीमा अद्यावधिक गरियो ।
– सञ्चालन भएका आयोजनाहरुको निरन्तर रुपमा सुपरीवेक्षण गरिएको छ।
– श्रमिकहरुको प्रतिव्यक्ति ७ लाख रुपैयाँको दुर्घटना बीमा गरिएको छ।
नगर खेलकुद समिति
– बिर्तामोडमा सबै वडा वडागत खेलकुद समिति निर्माण गरी नगरको खेलकुद कार्यक्रमलाई अगाडि बढाउने कार्य गरियो।
–वडास्तरीय फुटबल खेलबाट नगरको उत्कृष्ट खेलाडी छनोट गरी नगरको टिम तयार गरियो।
– कराते खेलस्तर उन्नतिको लागि विभिन्न कार्यक्रमहरु सम्पन्न गरियो।
–म्याराथुन रेसको आयोजना गरी नगरभित्र रहेका धावकहरुलाई उत्साहित गराउने काम गरियो।
– नगरका पुराना खेलाडीहरुलाई समेटेर तीर धनुस दधिकादो, कबड्डीलगायतका खेलहरुको आयोजना गरियो ।
–वडास्तरीय भलिबल प्रतियोगिता सम्पन्न गरियो । भेट्रान खेलको समेत
आयोजना गरियो।
– विद्यालय स्तरीय महोत्सवको आयोजना गरी विभिन्न खेलको आयोजना गरी विद्यार्थी र विद्यालयलाई खेलक्षेत्रमा प्रेरीत गर्ने काम गरियो ।
–पालिकाहरुले पठाएका विभिन्न खेलकुद प्रतियोगितामा सहभागी भएर ट्रफी तथा मेडल जितियो।
–वडा नम्बर ६ र ७ मा रहेका विभिन्न खेल मैदानको स्तरोन्नति गरिएको छ।
गरिबी निवारणका लागि लघु उद्यम विकास कार्यक्रम
–बाख्रापालन, ढाका बुनाई, व्याग बनाउने, कुक व्युटीपार्लर, सिलाई कटाई, मौरीपालन, मोटरसाइकल मर्मत, अर्गानिक कपुरधुप निर्माण, अचार बनाउने, कुखुरापालनलगायत विभिन्न प्रकारका तालिम ५ सय जनालाई उद्यम विकास प्रदान गरियो।
–तालिममा प्रयोग भएका उपकरण तथा प्रविधि व्यक्तिगत र समूहगत गत गरी ३ सय जनालाई प्रदान गरियो । केही उपकरण खरिद प्रक्रियामा रहेको छ ।
–उद्यम विकासका लागि सामाजिक परिचालनअन्तर्गत अभिमुखीकरण, घरधुरी सर्वेक्षण, समूह गठनलगायतका कार्यक्रम सम्पन्न गरियो।
यस ५ वर्षको अवधिमा खरिद गरेका सवारी साधनहरु यस प्रकार छन् ः
– टिपर ठुलो ३ वटा
–जेसीभी २ वटा
–टिपर सानो १ वटा
–दमकल १ वटा
– ट्रयाक्टर ३ वटा
– रोलर १ वटा
– पानी ट्यांकर १ वटा .
–साना सवारी गाडी ३ वटा
– ग्रेडर १ वटा
