झापा , असार २ । अर्थमन्त्री जनार्दन शर्माले करको दरमा राष्ट्रघात र गद्दारी भएमा जिम्मा लिन तयार भएको बताएका छन् ।
बजेट निर्माणमा अनधिकृत व्यक्तिले प्रवेश पाएको आरोप लागेपछि प्रतिनिधिसभाको बैठकमा जवाफ दिँदै उनले यस्तो बताएका हुन् । उनले भने, ‘बजेट सम्बन्धित विभागीय प्रमुख र सचिवसहितको समितिले बसेर बनाएका हौँ । दररेटप्रति म पूणर् जिम्मेवार र जवाफदेही छु । त्यसमा कतै राष्ट्रघात भएको छैन, कतै गद्दारी भएको छैन।’ बजेटमा विभिन्न मन्त्रालयगत विनियोजन शीर्षकअन्तर्गत संसद्मा छलफल जारी छ ।
