कुमरखोद असार ४ । झापा गाउँपालिकामा उद्योगी व्यवसायीहरुको हकहितका लागि पालिका स्तरीय चेम्वर अफ कमर्स गठन भएको छ ।
चेम्वर अफ कमर्स झापाका जिल्ला अध्यक्ष तथा केन्द्रीय सदस्य ओमकृष्ण विमलीको प्रमुख आतिथ्य तथा विभिन्न क्षेत्रका चेम्वरका पदाधिकारीको उपस्थितिमा झापा गाउँपालिका स्तरीय चेम्वर अफ कमर्सको गठन भएको हो ।
शनिवार झापा बजारमा रहेको दुर्गा मन्दिर परिसरमा झापा गाउँपालिकाभित्र रहेका उद्योगी व्यवसायीहरुको भेलाले राजेन्द्रप्रसाद अग्रवालको अध्यक्षतामा १५ जनाको तदर्थ समिति गठन गरेको हो । जसको उपाध्यक्षहरुमा लक्ष्मी गणेश, सचित्र वर्मन , सचिव मोहन मिश्र , सहसचिव पशुपतिलाल गणेश , कोषाध्यक्ष विकास अग्रवाल तथा सदस्यहरुमा बरतलाल राजवशी , निर्मला खड्का , बसन्ती गणेश , मदन ओली , चन्द्रदेव यादव , विष्णुप्रसाद गन्गाई ,छत्र पाण्डे र केशव खत्री रहेका छन् ।
चेम्वर अफ कमर्स झापाका सचिव विरोध सुवेदीले संचालन गरेको कार्यक्रममा कमर्सका उपाध्यक्ष याम विमलीले चेम्वर अफ कमर्स बारेमा जानकारी गराएका थिए । कार्यक्रममा चेम्वर अफ कमर्स प्रदेश १ उपाध्यक्ष सन्तोष अग्रवाल , चेम्वर अफ कमर्स कनकाईका अध्यक्ष मिनाल तिम्सिना , उपाध्यक्ष खिनमाया खतिवडा , सहसचिव अनिता मैनाली , झापा वजार व्यवस्थापन समितिका अध्यक्ष विकास अग्रवाललगायतको उपस्थिति रहेको थियो ।
।
