धौला पुलमा ट्राफिक बोर्ड

बिर्तामोड , साउन २६ । दुर्घटनाको जोखिम बढिरहेको भन्दै झापाको बिर्तामोड–भद्रपुर सडकखण्डअन्तर्गत धौला पुलमा जानकारीमुलक बोर्ड राखिएको छ ।

निर्माणाधिन सडकमा पर्ने धौला पुल साँघुरो भएकै कारण दैनिकजसो दुर्घटना हुन थालेको भन्दै पूर्वेली मजदुर यातायात प्रा.लिको सहकार्यमा संकेत चिह्नमुलक बोर्ड बिहीबार राखिएको हो ।
ट्राफिक सचेतनाका लागि पछिल्लो समय सहकार्य गर्दै विभिन्न कार्यक्रम गर्दै आइरहेको पूर्वेली मजदुर यातायात प्रा.लिका अध्यक्ष तथा बिर्तामोड ३ का वडा सदस्य हरि बाँस्कोटाले जानकारी दिए ।

ट्राफिक पोष्ट तथा प्रहरी चौकी बिर्ताबजारको समन्वयमा गरिएको संक्षिप्त कार्यक्रममा पूर्वेली मजदुर यातायात प्रा.लिका सचिव गणेश कोइराला, ट्राफिक पोष्ट बिर्ताबजारका जवान बिर्जु महत्तो, हवल्दार सरोज यादव, प्रहरी चौकीका इन्चार्ज प्रविन खड्कालगायतको उपस्थिति रहेको थियो ।