एजेन्सी । उपाधि दाबेदार स्पेनलाई पेनाल्टी शुटआउटमा हराउँदै मोरक्को विश्वकप फुटबलको क्वाटर फाइनलमा पुगेको छ।
![](https://pratidindaily.com/wp-content/uploads/2022/12/spain.jpg)
कतारको एजुकेशन सिटी स्टेडियममा भएको खेलमा मोरक्कोले स्पेनलाई पेनाल्टी शुटआउटमा तीन–शून्यले हरायो । निर्धारित ९० मिनेट र थप समयमा दुवै टोलीबाट गोल हुन नसकेपछि खेल पेनाल्टी शुटआउटमा पुगेको हो । पेनाल्टी शुटआउटमा स्पेनका कुनै पनि खेलाडीले गोल गर्न सकेनन् ।
सन् २०१० को विजेता स्पेनलाई हराउँदै मोरक्को पहिलो पटक क्वाटर फाइनलमा पुगेको हो । अब मोरक्कोले क्वाटर फाइनलमा पोर्चुगलसँग खेल्नेछ।
त्यस्तै पोर्चुगल विश्वकप फुटबलको क्वाटर फाइनलमा पुगेको छ ।
![](https://pratidindaily.com/wp-content/uploads/2022/12/moroko-819x1024.jpg)
लुसेल स्टेडियममा भएको खेलमा पोर्चुगलले स्विट्जरल्यान्डलाई ६–१ को फराकिलो अन्तरले हरायो ।
पोर्चुगलका लागि गोन्कालो रामोसले ह्याट्रिक गरे । स्टार खेलाडी क्रिस्टियानो रोनाल्डोको स्थान लिएका उनले पहिलो हाफमा १ र दोस्रो हाफमा २ गोल गरे । जारी विश्व कपमा यो पहिलो ह्याट्रिक हो । यस्तै राफाएल गुरेरो, राफाएल लिआओ र पेपेले एक–एल गोल थपे । स्विट्जरल्यान्डका लागि म्यानुल अकान्जीले एक गोल गरे ।