एजेन्सी । कतारमा जारी फिफा विश्वकप फुटबलको उपाधिका लागि अहिले अर्जेन्टिना र फ्रान्सबीच प्रतिष्पर्धा भईरहेको छ।
लुसिल स्टेडियममा भईरहेको खेलमा हाफ टाइमसम्म अर्जेन्टिनाले २–० गोलको अग्रता कायम गरेकोमा हाफ टाइमपछि फ्रान्सले बराबरी गरेको छ । अर्जेन्टिनाले खेलको २३ औ मिनेटमा पेनाल्टीमार्फत गोल गरेको हो ।लियोनल मेसीले सो गोल गरे । त्यस्तै ३६ औं मिनेटमा एन्जल डी मारियाले अर्को गोल थपेका छन् ।
यसैबीच फ्रान्सले दुई गोल फर्काएको छ । किलियन एम्बाप्पेले खेलको ८० र ८१ औं मिनेटमा दुई गोल गरेका हुन् । उनले ८० औं मिनेटमा पेजाल्टीमार्फत गोल गरेका थिए ।
दक्षिण अमेरिकी राष्ट्र अर्जेन्टिना र युरोपियन राष्ट्र फ्रान्स तेस्रो पटक विश्वकप उपाधि उचाल्ने योजनासहित खेलिरहेका छन् । दुबै देशले हालसम्म समान दुई–दुई पटक विश्वकपको उपाधि उचालिसकेका छन् ।
