भद्रपुर, माघ ८ । भद्रपुर– १० स्थित वैदिक बचत तथा ऋण सहकारी संस्था लिमिटेडको १२ औं स्थापना दिवसको अवसर पारेर गरिएको रक्तदान कार्यक्रममा ३४ जनाले रगत दान गरेका छन् ।
सहकारीले सामाजिक उत्तरदायित्व कार्यक्रमअन्तर्गत आयोजना गरेको रक्तदान कार्यक्रममा ७ महिलासहित ३४ जनाले रक्तदान गरेका हुन् ।
सहकारीका अध्यक्ष प्रकाश निरौलाको अध्यक्षता तथा भद्रपुर– १० का वडाध्यक्ष टेकबहादुर खड्का काजीको प्रमुख आतिथ्यमा सम्पन्न रक्तदान कार्यक्रममा प्राविधिक सहयोग नेपाल रेडक्रस सोसाइटी झापाको रहेको थियो ।
