भद्रपुर, माघ १० । भद्रपुर झापा गोल्डकप आयोजक समितिले भद्रपुर नगरपालिकाभित्र रहेका निजी तथा संस्थागत विद्यालयका सञ्चालक तथा प्रधानाध्यापकसँग छलफल गरेको छ ।

मंगलबार भद्रपुरस्थित मेची रंगशालामा रहेको गोल्डकपको सचिवालयमा आयोजक समितिले गोल्डकपको प्रथम संस्करणका बारेमा छलफल गरेको हो ।

गोल्डकपको दिगोपना, निजी तथा संस्थागत विद्यालयहरुको सहभागिता, अक्षयकोषलगायतका विषयमा छलफल गरिएको थियो । यही फागुन ७ गतेदेखि भद्रपुर झापा गोल्डकप सुरु हुँदैछ ।
कार्यक्रममा बैठकमा प्रज्ञा एकेडेमीका प्रिन्सिपल तथा प्याब्सन १ नम्बर प्रदेश उपमहासचिव इशुभ पाण्डे, ब्राइट स्टार स्कुलका प्रिन्सिपल तथा प्याब्सन नगर अध्यक्ष रत्नबहादुर गिरी, ग्रिनफिल्ड स्कुलका प्रिन्सिपल तथा प्याब्सन नगर सचिव सन्देश राईलगायतले भद्रपुर झापा गोल्डकप नगरकै गौरव भएकाले सबैको हातेमालो जरुरी रहेको उल्लेख गरे ।

त्यस्तै, छलफलमा नगरप्रमुख गणेश पोखरेल, गोल्डकप उपाध्यक्ष गौरव सुब्बा, सल्लाहकार टिकाराज ढकाल, नगरपालिकाका शिक्षा, युवा तथा खेलकुद शाखा प्रमुख प्रेमबहादुर भुजेलले प्रतियोगिता सफल बनाउन सहयोग रहने प्रतिबद्धता व्यक्त गरेका थिए ।

सचिव टहलदास मैनालीले सहजीकरण गरेको छलफलमा गोल्डकप अध्यक्ष दिपेश ढकालले धन्यवाद व्यक्त गरेका थिए । छलफलमा स्वागतसहित अन्तरक्रिया कार्यक्रमको औचित्यबारे महासचिव जीवनकुमार श्रेष्ठले प्रकाश पारेका थिए ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्