हल्दिबारी, माघ ११ ।हल्दिबारी–३ मा ज्यालादारी गरी आफ्नो जिविकोपार्जन गर्दै आएका अग्निपीडित किरण मगरलाई युवाहरुको एक अभियानले सहयोग गरेको छ ।
भाडामा बस्दै आएको घरमा गत बुधबार दिउँसो अचानक आगलागी भएपछि मगरको शरीरमा लगाएको कपडाबाहेक सबै सामान जलेर नष्ट भएको थियो।अग्निपीडित मगरलाई सहयोग अभियान नामक अभियान चलाएर युवाहरुले बुधवार ३२हजार६८१ नगद , अन्दाजी २० मन धान र केही कपडा संकलन गरी हस्तान्तरण गरेको अभियानकर्मी अभिषेक खतिवडाले जानकारी दिएका छन् ।
गाउँघरमा एक टिन धान र सकेको आर्थिक सहयोग गर्न सबैलाई अभियानले अपिल समेत गरेको छ । अभियानलाई अभिषेक खतिवडा , डिल्लीराम ढुङ्गेल,खडग बिष्ट,जीवन याख्खा र कुलप्रसाद मिश्रले सहजीकरण गरेका थिए भन्ने स्थानीय सबैले सहयोग गरेको जनाइएको छ ।
