झापा , चैत्र १३ । मोरङको कटहरी गाउँपालिका-४ स्थित जुडी पुलमा गएराति मोटरसाइकल दुर्घटना हुँदा चालकको मृत्यु भएको छ ।
![](https://pratidindaily.com/wp-content/uploads/2021/10/61766126059b9_accident32.jpg)
विराटनगर-रंगेली सडकखण्डमा को २ प ३५३० नम्बरको मोटरसाइकल अनियन्त्रित हुँदा धनपालथान गाउँपालिका-७ का ३७ वर्षीय मुकेश यादवको मृत्यु भएको प्रहरीले जनाएको छ । उपचारकै क्रममा विराटनगरस्थित कोशी अस्पतालमा उनको मृत्यु भएको हो । तीव्र गतिका कारण मोटरसाइकल दुर्घटनामा परेको प्रारम्भिक अनुसन्धानबाट खुलेको प्रहरीले जनाएको छ ।