झापा, बैशाख १२ । ढाकाकुमार श्रेष्ठको सांसद पद रिक्त हुने भएको छ ।
प्रतिनिधि सभाका सभामुख देवराज घिमिरेले श्रेष्ठको सांसद पद रिक्त भएको जानकारी बैठकलाई दिने कार्यसूची छ । रास्वपाका समानुपातिक सांसद ढाकाकुमार श्रेष्ठको घुस मागेको अडियो सार्वजनिक भएपछि पार्टीले श्रेष्ठलाई कारबाही गरेको थियो। श्रेष्ठलाई साधारण सदस्यसमेत खारेज गर्ने निणर्यसहित संसद सचिवालयमा पत्र पठाइएको थियो । कार्यसूचीमा भनिएको छ, ’सम्माननीय सभामुखले राजनीतिक दल सम्बन्धी ऐन, २०७३ को दफा ३४ (१) बमोजिम दलबाट निष्काशन गरेको सूचनाको जानकारी सोही ऐनको दफा ३६ को प्रयोजनको लागि दफा ३५ (१) बमोजिम सभाको बैठकलाई जानकारी गराउनु हुने।’ श्रेष्ठको स्थानमा राष्ट्रिय स्वतन्त्र पार्टीले बिन्दाबासिणी कंसाकारलाई समानुपातिक सांसद बनाउने निणर्य गरिसकेको छ ।
