झापा , जेठ १८ । केही दिनदेखि बढेको अत्यधिक गर्मीका कारण मेचीनगरका सबै विद्यालय आजदेखि विदा गरिएको छ।
अत्यधिक गर्मीका कारण विद्यार्थीहरूको स्वास्थ्यमा समेत असर पर्न थालेकोले आगामी बर्खेविदाबाट कट्टा हुनेगरी आज र भोलि विद्यालय विदा दिइएको शिक्षा शाखा प्रमुख होमनाथ भण्डारीले बताए ।यसअघि कचनकवल गाउँपालिकामा रहेका सामुदायिक विद्यालय आजदेखि २२ गतेसम्म पाँच दिनका लागि बन्द गरिएको छ ।
