बिर्तामोड,असार ५ । बिर्तामोड अपांगता स्वाबलम्वन संस्थाको आयोजनामा गुडिया र कपडाको झोला बनाउने तालिम सम्पन्न भएको छ ।
![](https://pratidindaily.com/wp-content/uploads/2023/06/352902241_283266417531694_4914066337685030273_n-1024x461.jpg)
बिर्तामोड नगरपालिकाको सहयोगमा २२ दिने गुडिया बनाउने र १५ दिने कपडाको झोला बनाउने भिन्नाभिन्नै तालिम सम्पन्न भएको हो । तालिममा शारीरिक अपांगता र बौद्धिक अपांगता भएका १०–१० जनाको सहभागिता रहेको थियो । झोला बनाउने तालिमलाई मैया शेर्पा तथा गुडिया बनाउने तालिमलाई सविता राजवंशी र चन्द्रा खड्काले सहजीकरण गरेका थिए ।
![](https://pratidindaily.com/wp-content/uploads/2023/06/353012471_790074959387967_8727632372989087325_n-1024x461.jpg)
आयोजक संस्थाका अध्यक्ष दीपक थापाको अध्यक्षतामा भएको तालिम समापन कार्यक्रमको प्रमुख अतिथि बिर्तामोड नगरपालिकाका उपप्रमुख नगेन्द्रप्रसाद संग्रौला रहेका थिए । कार्यक्रममा उपप्रमुख संग्रौला , नेपाली कांग्रेस बिर्तामोडका नगर सभापति भोजराज सिटौला , शिक्षासेवी गणेशप्रसाद खनाल,प्रशिक्षकहरु मैया शेर्पा ,चन्द्रा खड्का , प्रशिक्षार्थी शान्ता अधिकारीलगायतले मन्तव्य राखेका थिए । पदम अधिकारीले स्वागत गरेको कार्यक्रमको संचालन सचिव हरि अधिकारीले गरेका थिए ।