झापा, असार १२ । हल्दिबारीका दुई बालकको भारतबाट उद्धार गरिएको छ ।
![](https://pratidindaily.com/wp-content/uploads/2023/06/haldibari-1.jpg)
हल्दिबारी गाउँपालिका १ का बालकहरू लक्ष्मण बस्नेत र विमल आचार्य दुई दिनदेखि बेपत्ता भएका थिए ।
उनीहरूको खोजी गर्ने क्रममा भारतमा भेटिएको जानकारी पाउनासाथ बालकहरूको अभिभावकसहित हल्दिबारी गाउँपालिका अध्यक्ष रवीन्द्रप्रसाद लिङ्देन मंगलवार बिहान भारतको तारावारी गएका थिए ।
त्यहाँ भारतीय सुरक्षाकर्मीको सहकार्यमा दुई बालकलाई उद्धार गरी सकुशल घर फर्काइएको गाउँपालिकाका अध्यक्ष लिङ्देनले बताए । बालकहरू हराएको भन्दै सामाजिक सञ्जालमा तस्बिरहरू भाइरल बनेपछि भारतीय एसएसबीले सोमबार राति १० बजे दुई बालकलाई उद्धार गरी राखेको थियो ।