झापा, असार १७ । मोरङको सीमा नाकाबाट तस्करीको माध्यमबाट नेपाल भित्र्याइएको १० बोरा चिनीसहित एउटा अटो ट्याम्पो झापाको दमकबाट प्रहरीले नियन्त्रणमा लिएको छ।
![](https://pratidindaily.com/wp-content/uploads/2023/07/357631077_845108860577165_6348629364973587496_n-713x1024.jpg)
जिल्ला प्रहरी कार्यालय झापाको टोलीले विशेष सूचनाका आधारमा मोरङको रतुमाई नगरपालिकाको सिजुवा हुँदै आमवारीबाट झापाको दमकतर्फ आउँदै मे १ ह ५८५१ नम्बरको अटो ट्याम्पोलाई चेकजाँच गर्दा १० बोरा अवैध चिनी बरामद भएको प्रहरीले जनाएको छ। सो चिनी मोरङको चतरामुनि र चुनिमारी सीमा नाकाबाट भन्सार छलेर भित्र्याएको हो। प्रहरीले आइतबार दिउँसो पौने २ बजे चिनी लोड भएको अटो ट्याम्पोलाई पूर्व–पश्चिम राजमार्गअन्तर्गत दमक नगरपालिका–९ स्थित चिया पसल नजिकैबाट नियन्त्रणमा लिएको हो।
५० केजीको दरले १० बोरा चिनी ३५ हजार र अटो ट्याम्पोलाई ३ लाख गरी ३ लाख ३५ हजार मूल्यांकन तोकेर मेची भन्सार कार्यालय काँकडभिट्टा बुझाइसकेको जिल्ला प्रहरी कार्यालय झापाले जनाएको छ।