झापा , साउन २९ । ताप्लेजुङको मैवाखोला गाउँपालिका–५ फाकुम्वाका एक युवकले आफ्नै आमाको हत्या गरेका छन् ।
![](https://pratidindaily.com/wp-content/uploads/2023/07/hatya-5_v4uOR5HXkk.jpg)
जिल्ला प्रहरी कार्यालय ताप्लेजुङका अनुसार ३३ वर्षीय डिल्लीकुमार लिम्बूले आमा धनमाया लिम्बूको धारिलो हतियार (बाम्फोक) प्रहार गरी हत्या गरेका हुन् । डिल्लीकुमारलाई बाम्फोकसहित प्रहरीले नियन्त्रणमा लिएको र आवश्यक अनुसन्धान सुरु गरिएको प्रहरी निरीक्षक कुशराम कार्कीले जानकारी दिए ।
कार्कीका अनुसार हत्याको कारण भने खुलिसकेको छैन । सोमबार बिहान साढे १० बजे हत्या भएपनि स्थानीयले मध्याह्न १२ बजे साँघु प्रहरी चौकीमा खबर गरेका थिए ।