झापा, साउन ३१ । हल्दिबारीका आमा– छोरीले एकै साथ कक्षा १२ को परीक्षा पास गरेका छन् ।
![](https://pratidindaily.com/wp-content/uploads/2023/08/367651063_253396134283503_6311314681400112073_n-1024x1024.jpg)
हल्दिबारी गाउँपालिका–२ स्थित सरस्वती आधारभूत विद्यालयमा कार्यरत शिक्षक तुलसा खतिवडा दाहाल र उनकी छोरी सलोनी दाहालले कक्षा १२ को परीक्षासँगै उतीर्ण गरेका हुन् ।
आमाले तुलसाले लक्ष्मी मावि हल्दिबारीबाट परीक्षा दिएकी थिइन् भने छोरी सलोनीले एमरेल्ड एकेडेमी भद्रपुरबाट परीक्षा दिएकी थिइन् । आमा शिक्षा संकाय र छोरी व्यवस्थापन संकायबाट परीक्षामा सामेल भएका थिए । तुलसाको घर हल्दिबारी– २ पाराखोपी हो ।