एजेन्सी । डिफेन्डिङ च्याम्पियन इंग्ल्यान्ड आइतबार विश्वकप २०२३ मा अफगानिस्तानको हातबाट स्तब्ध भएको छ ।
अफगानिस्तानले ६९ रनको सनसनीपूर्ण जित निकालेको हो । इंग्ल्यान्डमाथि अफगानिस्तानको यो पहिलो ऐतिहासिक जित हो । जितका लागि २ सय ८५ रन पछ्याइरहेको इंग्ल्यान्डले ४०.३ ओभरमा २ सय १५ रन बनाएर सबै विकेट गुमायो ।
ह्यारी ब्रुक्सले ६१ बलमा बनाएको ६६ रनले इंग्ल्यान्डका लागि कोही पनि ब्याटरको सबैभन्दा ठूलो योगदान रह्यो । उनको ब्याटबाट सात चौका र एक छक्का निस्केको थियो । ओपनर डाविड मानलले ३२ रन जोडे । नियमित अन्तरमा विकेट गुमाएको इंग्ल्यान्डका लागि अरू ब्याटरले गतिलो योगदान दिन सकेनन् । अफगान बलरमध्ये मुजिब रहमानले ५१ रनका तीन विकेट लिए ।
त्यस अगाडि अफगानिस्तानले ओपनर रहमानुल्लाह गुरबजको ८० रनको मद्धतले ४९।५ ओभरमा सबै विकेट गुमाउन अगाडि सय ८४ रन बनाएको थियो । गुरबजले ५७ बलमा आठ चौका र चार छक्का प्रहार गरे । उनले पहिलो विकेटका लागि इब्राहिम जारडनसँग मिलेर १ सय १४ रनको साझेदारी गरे ।
अफगानिस्तानका लागि मध्यक्रमका ब्याट्समेन इकरम इलखिलले पनि अर्धशतक पूरा गरे । उनले ६६ बलमा ५८ रन बनाए र त्यसमा तीन चौका तथा दुई छक्का सामेल थियो । इंग्लिस बलरमध्ये अदिल रसिदले ४२ रनमा तीन विकेट लिए । प्रतियोगितामा अफगानिस्तानको यो पहिलो जित हो भने इंग्ल्यान्डले आफूले खेलेको तीन खेलमा दोस्रो हार बेहोर्याे ।
