झापा, कात्तिक ७ । महोत्तरीको मटिहानीमा निर्माण गरिएको ५१ फिट अग्लो रावणको पुत्लाको आज साँझ दहन गरिएको छ ।
रावण दहन कार्यक्रमको लागि सो पुत्ला निर्माण गरिएको हो । प्रत्येक वर्ष विजयादशमीको अवसरमा त्यहाँ रावण दहन कार्यक्रमको आयोजना गरिन्छ ।
आदर्श दुर्गा पूजा समिति मटिहानीद्वारा हरेक वर्ष विजयादशमीका दिन कलात्मक रावणको पुत्ला निर्माण गरी दहन गर्ने चलन रहेको छ ।यस वर्ष ५१ फिट अग्लो रावणको पुत्ला निर्माण गरिएको थियो । यस पुत्लामा आगो लगाई आज साँझ दहन गरिएको हो ।
