एजेन्सी । इजरायलले गाजा क्षेत्रमा गरेको हवाई हमलामा परी पछिल्लो चौबीस घण्टामा ७ सयबढी प्यालेस्टाइनीको मृत्यु भएको छ ।
हमास शासित स्वास्थ्य मन्त्रालयले ७ अक्टुबरदेखि हालसम्म गाजामा ५ हजार ७९१ जनाको ज्यान गइसकेको जनाएको छ । हिजोदेखि अहिलेसम्म त्यस तथ्यांकमा ७ सय थपिएको हो । हिजो चौबीस घण्टामा ४३६ जना प्यालेस्टाइनी मारिएका थिए । उता , इजरायलले विगत चौबीस घण्टामा गाजाको ४ सयभन्दा बढी अड्डामा हमला गरेको जनाएको छ ।
