झापा, फागुन २० । होटलमा ब्राउनसुगर बिक्री गर्ने होटल संचालकसहित दुईजना पक्राउ परेका छन् ।
![](https://pratidindaily.com/wp-content/uploads/2024/03/353d4080-2437-4429-8791-24bc3722cd12.jpg)
कमल गाउँपालिकाबाट प्रहरीले ब्राउनसुगरसहित दुईजना लागूऔषधका कारोबारीलाई पक्राउ गरेको हो । उनीहरुका साथबाट ३८ ग्राम ब्राउनसुगर फेला परेको छ । हिजो साँझ ७.३० बजेको समयमा कमल ३ स्थित कृष्टिना होटलमा जिल्ला प्रहरी कार्यालय झापाबाट खटिएको टोलीले छापा मारेको थियो । शंका लागेर होटलमा रहेका होटल साहु सोही ठाउँ बस्ने ३५ वर्षीय सरोज थापा र शिवसताक्षी ६ बस्ने ३० वर्षीय बिष्णु खड्काको शरीर चेकजाँच गर्दा सरोज थापाको शरीरबाट प्लाष्टिकको पोकाभित्र ३८ ग्राम ब्राउनसुगर फेला परेको थियो ।
दुवै जनालाई लागूऔषधसहित नियन्त्रणमा लिई आवश्यक अनुसन्धान तथा कार्वाहीको लागि ईलाका प्रहरी कार्यालय दमकमा राखिएको जिल्ला प्रहरी कार्यालयका प्रहरी निरीक्षक ढुण्डीराज गिरीले बताए ।