भद्रपुर, फागुन २५ । लायन्स क्लव अफ बिर्तामोड लेडीले झापा कारागारका महिला कैदीबन्दीलाई लत्ताकपडा वितरण गरेको छ ।
![](https://pratidindaily.com/wp-content/uploads/2024/03/431784657_122147629838038844_8325882625344153692_n-1024x768.jpg)
११४ औं अन्तर्राष्ट्रिय नारी दिवसको अवसरमा एक सय थान कपडा वितरण गरिएको हो । कुर्ता, सुरुवाल र सारी वितरण गरिएको लायन्स क्लव अफ बिर्तामोड लेडीकी अध्यक्ष निरु उप्रेती ओलीले बताइन् ।
कार्यक्रममा बिर्तामोड नगरपालिकाकी नगरप्रमुख पवित्रा महतारा प्रसाई, भद्रपुर वडा नंं ७ का वडाध्यक्ष अभिषेक ढुंगाना,एभरेष्ट स्मार्ट एजुकेशन एकाडेमीका प्रधानाध्यापक अनुप शर्मा , भद्रपुर लायन्सकी अध्यक्ष शर्मिला अधिकारीलगायतको उपस्थिति रहेको थियो ।
![](https://pratidindaily.com/wp-content/uploads/2024/03/431667891_122147629646038844_8638564380790156999_n-1024x768.jpg)
नगर प्रमुख प्रसाईले महिला कैदीबन्दीको सीप, क्षमता र सकारात्मक सोचको विकास गर्नुपर्नेमा जोड दिँदै नारी दिवसको शुभकामना दिएकी थिइन् । संगीता चिमरियाले सञ्चालन गरेको उक्त कार्यक्रममा आन्तरिक सुरक्षा प्रशासन प्रमुख रीता राईले धन्यवाद ज्ञापन गरेकी थिइन् । झापा कारागारमा ९१ जना महिला कैदीबन्दी रहेका छन् ।