झापा, फागुन २८ । झापाको बिर्तामोड ६ मा साइकलबाट लडेर एक व्यक्तिको मृत्यु भएको छ ।
![](https://pratidindaily.com/wp-content/uploads/2024/03/download-1-4-556x1024.jpg)
बिर्तामोड नगरपालिका ६ स्थायी घर भइ हाल वडा नम्बर ३ मा डेरा बस्दै आएका ४२ वर्षीय सन्तोष राई सोमबार बिहान बुट्टाबारी नजिकै सडक किनारमा मृत फेला परेका हुन् । मादक पदार्थ सेवन गरी यात्रा गर्दा साईकलबाट लडेर उनको मृत्यु भएको हुन सक्ने प्रहरीले जनाएको छ ।
उनको टाउको बजारिएको , एकापट्टिको गाला धसारिएको र मुखबाट पानी बगिरहेको अबस्थामा शव फेला परेको इलाका प्रहरी कार्यालय बिर्तामोडका डीएसपी सुरज कार्कीले बताए । डीएसपी कार्कीका अनुसार मृतक राईले आज बिहान मातेर घरमा फोन गरेका थिए । राईको शव पोस्टमार्टमको लागि धरान पठाइएको छ ।