झापा,फागुन २९ । हिजो मात्रै छैटौं झापा गोल्डकपको उपाधि जितेर धरानमा बुढासुब्बा गोल्डकप खेल्न आएको चर्च ब्वाईज युनाइटेड क्लब आज पहिलो खेलमै पराजित भएको छ ।
![](https://pratidindaily.com/wp-content/uploads/2024/03/budhasubba-day-4th.jpg)
चर्च ब्वाईजलाई काँकरभिट्टा फुटबल ट्रेनिङ सेन्टरले शून्यका विरुद्ध १ गोलले हराउँदै सेमिफाइनल प्रवेश गर्न सफल भएको हो ।
धरान रंगशालामा भएको खेलमा काँकरभिट्टाका लागि आशिष चापागाईंले एक मात्र निर्णायक गोल गरे । खेलको म्यान अफ द म्याच काँकरभिट्टाकै बिशाल घलान घोषित भए । प्रतियोगिताअन्तर्गत फागुन ३० गते बुधबारको पहिलो सेमिफाइनल खेल आयोजक धरान एफसी र मोरङ जिल्ला फुटबल संघबीच हुनेछ ।
धरान फुटबल क्लब, धरानको आयोजनामा जारी प्रतियोगिताको विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ । फाइनल खेल चैत ३ गते हुनेछ ।