![](https://pratidindaily.com/wp-content/uploads/2024/03/gaja-.jpg)
झापा,चैत ७ । सप्तकोशी नदीबाट डुंगामा लैजाँदै गरेको १६४ किलो गाँजा सशस्त्र प्रहरीले बरामद गरेको छ ।
सशस्त्र प्रहरी बल नेपाल सुरक्षा बेश चतराले मंगलबार राति सुनसरीको बराहक्षेत्र नगरपालिका १ स्थित सप्तोकोशी नदीबाट गाँजा बरामद गरेको हो । डुंगाबाट गाँजा निकाल्दै गरेको अवस्थामा गाँजा बरामद गरिएको सहप्रवक्ता डीएसपी शैलेन्द्र थापाले जानकारी दिए ।
नियन्त्रणमा लिएको गाँजा थप अनुसन्धानका लागि इलाका प्रहरी कार्यालय महेन्द्रनगर चक्रघट्टीमा बुझाइएको प्रहरीले जनाएको छ । गाँजा तस्करीमा संलग्न व्यक्तिहरू भने प्रहरी देखेपछि भागेको सशस्त्रले जनाएको छ ।