एजेन्सी । इन्डियन प्रिमियर लिग (आईपीएल) क्रिकेटमा चेन्नई सुपर किंग्सले लगातार दोस्रो जित निकालेको छ।
![](https://pratidindaily.com/wp-content/uploads/2024/03/chennai_dws5WqG8FJ.jpg)
गएराति सम्पन्न खेलमा चेन्नईले गुजरात टाइटन्सलाई ६३ रनले पराजित गरेको हो। चेन्नईले दिएको २०७ रनको लक्ष्य पछ्याएको गुजरातले २० ओभरमा ८ विकेट गुमाउदै १४३ रन मात्र बनाएको थियो।
टस हारेर पहिला ब्याटिङ गरेको चेन्नईले २० ओभरमा ६ विकेट गुमाउदै २०६ रन बनाएको हो।
जितपछि चेन्नईको २ खेलमा ४ अंक भएको छ र अंक तालिकामा शीर्ष स्थानमा रहेको छ। प्रतियोगिताअन्तर्गत आज सनराइजर्स हैदरावाद र मुम्बई इन्डियन आमने सामने हुनेछन्।