झापा, साउन २२ । नेपाल सेन्ट्रल एसियन भलिबल एसोसिएसन (काभा) महिला नेसन्स लिग भलिबलको फाइनलमा पुगेको छ ।
![](https://pratidindaily.com/wp-content/uploads/2024/08/Untitled-1_5cs0QXVJXR_X51OY4aGxd-1024x555.jpg)
नेपालले मंगलबार राष्ट्रिय खेलकुद परिषद्को कभर्ड हलमा इरानलाई ३ सोझो सेटमा पराजित गरेको हो ।
राउन्ड रोविन लिगमा इरानले नेपाललाई ३–२ सेटले पराजित गरेको थियो । नेपालले त्यसको बदला लिँदै फाइनल यात्रा तय गरेको हो ।नेपालले बुधबार हुने फाइनलमा भारतसँग खेल्नेछ ।
भारतले अर्को सेमिफाइनलमा श्रीलंकालाई पराजित गरेको थियो । उसले श्रीलंकालाई ३–० को सोझो सेटमा पराजित गर्दै फाइनलमा पुगेको हो । राउन्ड रोविन लिगमा नेपालले भारतलाई ३–१ सेटमा पराजित गरेको थियो । भारतमाथि नेपालको यो अहिलेसम्मकै पहिलो विजय थियो ।