झापा, भदौ ५ । झापाको हल्दिवारी ३ भुसुडी खोलाको डिलमा गाई काटेर गाडेको अवस्थामा फेला परेको छ ।
![](https://pratidindaily.com/wp-content/uploads/2024/08/IMG-20240820-WA0015-632x1024.jpg)
गाई काटेर केही भाग गाडेको अवस्थामा हिजो साँझ मृत गाईको अवशेष फेला परेको हो । गाई काटेर एकातिर हड्डी र अर्कोतिर टाउको र पुच्छर गाडेको भेटिएको हल्दिवारी ३ का वडा सदस्य अजित विष्टले बताए । उनले गाईलाई त्यही काटेकोले दाम्लो र किलोसहित रगत पनि देखिएको जानकारी दिए ।
प्रहरीसहितको टोली घटनास्थल पुगेर अनुसन्धान शुरु गरेको जनाइएको छ । घटनास्थलमा गएर हेर्दा केही दिनअघि नै गाईलाई गाडेको हुनाले सडेर गन्हाउने अवस्थामा पुगेको जलथल प्रहरी चौकीका इन्चार्ज असई ओमप्रसाद पौडेलले बताए । उनले घटनावारे अनुसन्धान शुरु गरिएको जानकारी दिए ।