झापा, असोज ८ । सुनसरीको बराहक्षेत्र नगरपालिकामा भएको मोटरसाइकल दुर्घटनामा परी चालकको मृत्यु भएको छ ।
हिजो बिहान करिब ९.३० बजे बराहक्षेत्र नगरपालिका- १ झण्डा चोकमा प्र १-०२-०४४ प २७६३ नम्बरको मोटरसाइकल आफै अनियन्त्रित भई दुर्घटना भएको थियो । दुर्घटनामा मोटरसाइकल चालक धरान उपमहानगरपालिका ८ बस्ने ६२ वर्षीय योगेन्द्रराज तामाङ गंभीर घाइते भएका थिए । उनको विराट टिचिङ अस्पताल विराटनगरमा उपचारको क्रममा मृत्यु भएको प्रहरीले जनाएको छ ।
