झापा , असोज १५ । आज साँझ मोरङको बेलवारीमा बसको ठक्करबाट सुमो चालकको मृत्यु भएको छ ।
साँझ ६.३० बजे बेलबारी– ३ स्थित पुरानो बेलबारीछेउ खप्तडी बस्नेत धार्मिक वनमा ना २ ख १४९० नम्बरको बस र प्रदेश १ –०२–००१ ज ४२७७ नम्बरको सुमो एक आपसमा ठक्कर खाई दुर्घटना भएको थियो । दुर्घटनामा सुमो चालक बेलबारी बस्ने वर्ष ३५ का कृष्ण थापा गंभीर घाइते भएका थिए । उनलाई उपचारका लागि न्युरो अस्पताल बिराटनगर पठाइएकोमा साँझ ७.२६ बजे डाक्टरले मृत घोषणा गरेका थिए ।
मृतकको शव कोशी अस्पतालको शवगृहमा राखिएको छ । इलाका प्रहरी कार्यालय बेलबारीबाट खटिएको टोलीले दुबै सवारीसाधन नियन्त्रणमा लिएपनि बस चालक फरार रहेका छन् ।
