झापा, कात्तिक १४ । पंचकन्या पाईप एण्ड फिटिङ्सको आधिकारिक बिक्रेता श्रीज्योति ट्रेडिङ प्रा.लि. ले ठेला मजदुर भेलु राजवंशीलाई आज सम्मान गरेको छ ।
विभिन्न समयमा विभिन्न ब्यक्तिहरुलाई सम्मान गर्दै आएको श्रीज्योतिले यो पटक लामो समयदेखि बिर्तामोडमै रहेर ठेला चलाउने मजदुर भेलु राजवंशीलाई सम्मान गरेको हो । सबै मानिसलाई समान ब्यवहार गर्ने उद्देश्यले हरेक दशैतिहारमा मजदुर सम्मान गरिदैँ आएको श्रीज्योतिका प्रमुख झलक खत्रीले बताए ।
मजदुरहरुको मेहनतले नै पाईप फिटिङ्स बेच्ने ब्यवसायीहरुको रोजीरोटी चलेको खत्रीले बताए ।विभिन्न समयमा विभिन्न पसलबाट साथै पंचकन्या कम्पनीबाट पनि सम्मान पाइसकेका भेलु राजवंशीलाई सम्मान गर्न पाउँदा हर्षित भएको भन्दै श्रीज्योति ट्रेडिङका बजार प्रमुख राम दाहालले अब प्लम्बर दिवसमा उत्कृष्ट प्लम्वरलाई सम्मान गर्ने जानकारी दिए । भेलु राजवंशी इमान्दार र मेहनती ठेला मजदुर भएको भन्दै श्रीज्योतिका कर्मचारी डिल्ली श्रेष्ठले राजवंशीको प्रशंसा गरेका थिए ।
राजवंशीलाई नगदसहित पंचकन्या लोगोअंकित टोपी,टिसर्ट र जुत्ता प्रदान गरिएको थियो । सम्मानित राजवंशीले हर्षित हुँदै आफूलाई सँधैभरि सहयोग गरिरहने पंचकन्या ग्रुप, श्रीज्योति ट्रेडिङ प्रालि र विशेष गरी झलक खत्रीप्रति आभार व्यक्त गर्दै आफूलाई सम्मानयोग्य सम्झेकोमा श्रीज्योतिका सम्पूर्ण टिमलाई धन्यबाद दिएका थिए ।
