झापा , कात्तिक १७ । प्रतिबन्धित लागूऔषध ब्राउनसुगरसहित इलामका सन्देश राई पक्राउ परेका छन् ।
गएराति ११.१०बजेको समयमा इलाम नगरपालिका–८ गोलाखर्कमा झापादेखि इलामतर्फ जाँदै गरेको प्र १–००१ज ३७६९ न को गाडीलाई चेकजाँच गर्दा इलाम– ५ बस्ने २० वर्षीय सन्देश राईको साथबाट २ ग्राम ब्राउनसुगर फेला परेको थियो ।
उनलाई नियन्त्रणमा लिई थप अनुसन्धानको लागि जिल्ला प्रहरी कार्यालय इलाममा राखिएको प्रहरीले जनाएको छ ।
