झापा, कात्तिक १७ । मलद्वारभित्र लागूऔषध लुकाएर ल्याउने झापा शिवसताक्षीका छबिलाल गुरुङ पक्राउ परेका छन् ।
गएराति ८.३० बजे काँकडभिट्टाको पुरानो मेची पुलमा भारतको पानीट्यांकीबाट सिटी सफारीमा चढेर काँकडभिट्टातर्फ आउँदै गरेका शिवसताक्षी –८ बस्ने ३८ वर्षीय गुरुङलाई शंकास्पद अवस्थामा फेला पारी प्रहरीले तलासी लिँदा मलद्वारभित्र लुकाएर ल्याएको प्लास्टिकसहित ३ ग्राम ९०० मिलिग्राम ब्राउनसुगर फेला परेको थियो ।
उनलाई नियन्त्रणमा लिई आवश्यक कारवाहीको लागि इलाका प्रहरी कार्यालय काँकरभिट्टामा राखिएको जिल्ला प्रहरी कार्यालयले जनाएको छ ।
