झापा, कात्तिक १७ । पाँचथरको फिदिम– १ मा एक महिला आज बिहान मृत फेला परेकी छन् ।
बिहान अन्दाजी ६ः१० बजेको समयमा फिदिम–१ पवित्र मार्गका कालीबहादुर योञ्जनको घरमा कोठा लिई बस्ने ३० वर्षीया सम्झना तामाङ मृत फेला परेकी हुन् । पाँचथर फाल्गुनन्द – ३ पात्लेभञ्ज्याङ बस्ने दुर्गा तामाङसंग ६–७ महिना अगाडी सम्बन्ध बिच्छेद गरी उनी कोठामा एक्लै बस्दै आएकी थिइन् । दुई दिनदेखि ढोका नखोलेपछि घरबेटी कालीबहादुर योञ्जनकी श्रीमती सुकरानी योञ्जनले झ्यालबाट हेर्दा कोठाभित्र चुकुल लगाई मृत अवस्थामा फेला परेकी थिइन् ।
माइती पक्षलाई खबर गरिसकेको र थप अनुसन्धान तथा कानुनी प्रक्रियाका लागि जिल्ला प्रहरी कार्यालय पाँचथरबाट प्रहरी टोली खटिएको जनाइएको छ ।
