झापा, कात्तिक १७ । शिव शिष्य परिवार गौरीगञ्जले विपन्न, असहाय तथा जेष्ठ नागरिकहरुलाई लत्ताकपडा, फलफूल र मिठाई वितरण गरेको छ ।
गत बुधवार शिव शिष्य परिवार गौरीगञ्जद्वारा आयोजित पूर्ण आध्यात्मिक कार्यक्रमको अवसरमा २७ जना विपन्न, असहाय तथा जेष्ठ नागरिकहरुलाई साडी,न्यानो कपडा, फलफूल र मिठाई वितरण गरिएको हो । सोही अवसरमा विद्यालयको प्राङ्गणमा बृक्षरोपणसमेत गरिएको थियो ।
गौरीगञ्ज गाउँपालिका वडा नं. ३ स्थित गौरीगञ्ज माविको प्राङ्गणमा शिव शिष्य परिवार गौरीगञ्जका अध्यक्ष जयकुमार भगतको अध्यक्षतामा भएको कार्यक्रममा प्रमुख अतिथि वडा नं. ३ का वडा अध्यक्ष श्रवण गिरी रहेका थिए ।
कार्यक्रममा गौरीगञ्ज –३ का निवर्तमान वडा अध्यक्ष तथा झापा उद्योग वाणिज्य संघ गौरीगञ्जका अध्यक्ष मखना महतो, इलाका प्रहरी कार्यालय गौरीगञ्जका प्रहरी निरीक्षक रामचन्द्र साह, अनुसन्धान विभागका संजय राजवंशीलगायतको सहभागिता रहेको थियो ।
