झापा, कात्तिक १९ । पाँचथरको फिदिममा जुवा खेलिरहेका तीनजना जुवाडे पक्राउ परेका छन् ।
गएराति १०.३० बजे फिदिम वडा नं. २ बस्ने खेमनाथ अधिकारीको घरमा कौडा (जुवा) खेलिरहेको भन्ने गोप्य सूचनाको आधारमा जिल्ला प्रहरी कार्यालय पाँचथरको टोलीले छापा मारेको थियो ।
त्यसक्रममा फिदिम २ बस्ने ५६ वर्षीय खेमनाथ अधिकारी , सोही ठाउँ ३१ वर्षीय मदन अधिकारी र वडा नं – १ बस्ने ४० वर्षीय हिमाल नेम्वाङ पक्राउ परेका छन् । प्रहरीले जुवाको खालबाट कौडा १६ थान र नगद ६० हजार ५३० रुपैयाँ बरामद गरेको छ ।
