झापा, कात्तिक २४ । भारतबाट मलद्वारमा ब्राउनसुगर लुकाएर ल्याउँदा फेरि एकजना पक्राउ परेका छन् ।
आज दिउँसो ३.३० बजे पुरानो मेची पुलमा लागूऔषध नियन्त्रण व्युरो काँकरभिट्टाबाट खटिएको प्रहरी टोलीले भारतबाट सिटी रिक्सामा नेपालतर्फ आउँदै गरेका भारतको सिक्किम, सिंगेथान ठेगाना भई हाल मोरङ पथरी शनिश्चरे नगरपालिका वडा नं. ८ बस्ने २१ वर्षीय बिक्रम क्षेत्रीलाई लागूऔषधसहित पक्राउ गरेको हो । शंका लागेर चेकजाँच गर्दा प्लाष्टिकमा पोका पारी मलद्धारमा लुकाएर ल्याउँदैं गरेको अवस्थामा प्रहरीले फेला पारेको थियो ।
प्लाष्टिकसहित १० ग्राम ७९० मिलिग्राम ब्राउनसुगरसहित नियन्त्रणमा लिई क्षेत्रीलाई इलाका प्रहरी कार्यालय काँकरभिट्टामा राखिएको जिल्ला प्रहरी कार्यालयले जनाएको छ ।
