झापा , कात्तिक २८ । दिनहुँ पक्राउ पर्ने क्रममा बुधवार पनि दुई युवा लागूऔषधसहित पक्राउ परेका छन् ।
पक्राउ पर्नेहरुमा एकजना इलाम फाकफोकथुमका र अर्का झापा शिवसताक्षीका रहेका छन् । बुधवार साँझ ५ः३० बजे पुरानो मेची पुलमा भारतबाट सिटी सफारीमा नेपालतर्फ आउँदै गरेका इलाम फाकफोकथुम गाउँपालिका वडा नं. १ बस्ने २७ वर्षीय बिशाल मगर लागूऔषधसहित पक्राउ परेका छन् । शंका लागेर चेकजाँच गर्दा उनको साथबाट प्लाष्टिकसहित २ ग्राम ४३० मिलिग्राम ब्राउनसुगर फेला परेको थियो ।
त्यस्तै बुधवार दिउँसो ४ः३० बजे सिटी सफारीमा भारतबाट नेपालतर्फ आउँदै गरेका झापा शिवसताक्षी नगरपालिका वडा नं. ११ दुधे बस्ने २२ वर्षीय रोशन दंगाल प्लाष्टिकबाहेक ४ ग्राम ५३० मिलिग्राम ब्राउनसुगरसहित पक्राउ परेका छन् । दुवैलाई नियन्त्रणमा लिई इलाका प्रहरी कार्यालय काँकरभिट्टामा राखिएको छ ।
