झापा , मंसिर ४ । विराटनगरको दुईवटा पसलमा आगलागी भएको छ ।
हिजो साँझ ६.३० बजे विराटनगर– ७ स्थित मालपोतको कम्पाउन्डभित्रको घुम्तीमा सञ्चालन गर्दै आएका अमित साह चिया पसल र संगै रहेको सुमन कार्कीको फोटोकपी पसलमा आगलागी भएको हो । कार्कीको फोटोकपी पसलमा लाइन सर्ट भई आगलागी भएको थियो । आगलागीबाट पसलभित्र भएका सम्पूर्ण सामान जलेर नष्ट भएको छ ।
आगलागीबाट सुमन कार्कीको दुई थान ल्यापटप , एक थान फोटोकपी मेसिन ,अमित शाहको ग्यास सिलिन्डर (पड्केको ) र फर्निचरको सामान जलेर नष्ट भएको प्रहरीले जनाएको छ ।आगो स्थानीय , महानगरको दुईवटा दमकल र नेपाल प्रहरीको सहयोगमा साँझ ७ बजे नियन्त्रणमा आएको थियो ।
