झापा, मंसिर १६ । स्थानीय तहको उपनिर्वाचनअन्तर्गत झापाको कन्काई–६ मा वडाध्यक्ष पदको लागि मतदान भइरहेको छ ।
बिहान १० बजेसम्म पुरुष १९४ र महिला १६९ गरी ३ सय ६३ मत खसेको जिल्ला निर्वाचन अधिकारी तुलसी नेपालले बताए । २ हजार ५८ मतदाता रहेको उक्त वडामा राजनीतिक दलका ८ र स्वतन्त्र १ गरि ९ जनाले उम्मेदवारी दिएका छन् ।
वडाध्यक्षका पदका लागि एक मतदान स्थल र २ वटा केन्द्रमा बिहानको समयमा चिसो भएका कारण मतदान स्थलमा मतदाताको संख्या न्यून देखिएको छ । चिसो कम भएपछि मतदाताको उपस्थिति बढ्ने अनुमान गरिएको छ ।
