झापा, पुष ३ । लागूऔषध ब्राउनसुगरसहित झापा दमकका तीन युवा पक्राउ परेका छन् ।
सीमावर्ती झापा गाउँपालिका वडा न.४ मा भारतबाट नेपालतर्फ आउदैं गरेका दमक नगरपालिका वडा नं.१ बस्ने २९ वर्षीय किशोर खवास,सोही ठाउँ बस्ने २८ वर्षीय सुरज राजवंशी र २८ वर्षीय सुनिल साह प्लाष्टिकसहित २ ग्राम ५२० मिलिग्राम ब्राउनसुगरसहित पक्राउ परेका हुन् ।
हिजो दिउँसो ३.१५ बजे इलाका प्रहरी कार्यालय कुमरखोदबाट खटिएको प्रहरी टोलीले शंका लागेर चेकजाँच गर्दा सुनिल साहले प्लाष्टिकसहितको ब्राउनसुगर खेतमा फालेका थिए । तीनैजनालाई नियन्त्रणमा लिई जिल्ला प्रहरी कार्यालयमा राखिएको छ ।
