झापा, पुष ६ । सुनसरीको देवानगंजमा गाँजासहित दुईजना पक्राउ परेका छन् ।
आज बिहान ४ः४५ बजे देवानगंज ७ मा उत्तरबाट दक्षिण हुलाकी मार्गतर्फ जाँदै गरेको बीआर ८० एबी ७४३८ नम्बरको मोटरसाइकल प्रहरीले चेकजाँच गर्ने क्रममा मोटरसाइकल चालक देवानगंज –२ बस्ने २४ वर्षीय अवास अन्सारी र सोही मोटरसाइकलमा पछाडी सवार २६ वर्षीय रिजुवान अन्सारीलाई ४० केजी गाँजासहित पक्राउ गरिएको हो । उनीहरुलाई अनुसन्धानको लागि इलाका प्रहरी कार्यालय हरिनगरमा राखिएको प्रहरीले जनाएको छ ।
