झापा, पुष ८ । गएराति सुनसरीको बराहक्षेत्र–१ स्थित पट्नाली खोलाको बगरमा ९७ केजी गाँजा बरामद भएको छ ।
राति १०.२५ बजे चतरा सशस्त्र प्रहरीको गस्ती टोलीलाई देखेर गाँजा तस्कर झोला छोडेर भागेका थिए ।
त्यस्तै हिजो साँझ ४.५० बजे मोरङ धनपालथान– ४ ललैयाधारस्थित भित्री सडकखण्डमा प्रहरी टोलीले चेकजाँच गर्दा धनपालथान– ३ का ३५ वर्षीय दिपेन्द्र मण्डलको साथबाट २८ ग्राम १८० मिलिग्राम ब्राउनसुगर फेला परेको थियो । त्यसपछि मण्डलको घरमा थप खानतलासी गर्दा ३८ ग्राम ८३० मिलिग्राम ब्राउनसुगर र डिजिटल तराजु बरामद भएको थियो ।
प्लास्टिकसहित जम्मा ६७ ग्राम १० मिलिग्राम ब्राउनसुगरसहित मण्डललाई थप अनुसन्धान लागि इलाका प्रहरी कार्यालय रंगेलीको नियन्त्रणमा राखिएको छ ।
