झापा, जेठ १७ । वर्षा शुरु नहुँदै माई खोलाको बाढी झापा गाउँपालिकाको बस्तीमा पसेको छ ।
गएराति परेको हावासहितको पानीले माई खोलामा आएको बाढी झापा गाउँपालिकाको बस्तीमा पसेको हो । झापा गाउँपालिकाको वडा नं २ सुगाबथान , कुवारी , मिलनबस्तीलगायतका मानव बस्तीमा पानी पसेको हो ।
त्यहाँ करिव एक फुट पानी पसेको हाम्रा संवाददाता बरतलाल राजवंशीले जनाएका छन् । घरघरमा पानी पसेपछि मानिसहरु घर छोडेर बाटोमा भेला हुन थालेका छन् ।बाढीले किसानहरुको मकैबालीमा ठूलो क्षति गरेको छ ।
