झापा, असार १० । इलामका अर्का एकजनामा पनि कोरोना संक्रमण देखिएको छ ।
हिजो बिहान इलाम सूर्योदय वडा नं.१० फिक्कल बस्ने ३९ वर्षीया एक महिला अचानक बिरामी भई उपचारको लागि बिर्तासिटी अस्पताल बिर्तामोड ल्याइएको थियो । उनलाई कोेरोना चेकजाँच गर्दा पोजिटिभि देखिएको हो । विरामीलाई थप उपचारको लागि नोबेल अस्पताल बिराटनगर पठाइएको छ ।
यसअघि असार ५ गते इलाम रोङ गाउँपालिका ४ बस्ने ७४ वर्षका वृद्धलाई कोरोना संक्रमण पुष्टि भएको थियो । त्यस्तै केही दिनअघि झापामा दुईजनालाई कोरोना संक्रमण पुष्टि भएको थियो ।
