झापा , असार २५ । झापाको बाह्रदशीमा मोटरसाइकल र स्कुटर एकापसमा जुध्दा दुईजनाको मृत्यु भएको छ भने बालकसहित दुईजना गंभीर घाइते भएका छन् ।

आज दिउँसो ३.४० बजे बाह्रदशी गाउँपालिका १ खयरबारीस्थित भित्री सडकखण्डमा राजगढबाट कुटीतर्फ जादै गरेको बीआर ३७ एजेड ६४४० नम्बरको मोटरसाइकल र बिपरीत दिशाबाट आउँदै गरेको प्र.१–०१–०१६ प ९२७० नम्बरको स्कुटर एकापसमा जुध्दा दुवै चालकको मृत्यु भएको हो ।
तत्काल नाम थर वतन नखुलेका स्कुटर चालक र मोटरसाइकल चालकलाई उपचारको लागि प्रादेशिक अस्पताल भद्रपुर पठाइएकोमा दिउँसो ४.४० बजे दुबै चालकको मृत्यु भएको जिल्ला प्रहरी कार्यालयले जनाएको छ । मृतकहरुको शव सोही अस्पतालमा रहेको छ ।
त्यस्तै स्कुटरको पछाडी सवार तत्काल नाम थर वतन नखुलेकी अन्दाजी २५ बर्षकी महिला र ७ बर्षका बालक समेत घाइते भएका छन् । उनीहरुलाई उपचारको लागि बीएण्डसी अस्पलाल बिर्तामोड ल्याइएको छ । दुबैको अवस्था गम्भीर रहेको जनाइएको छ । दुबै सवारी साधन इलाका प्रहरी कार्यालय राजगढको नियन्त्रणमा रहेको छ ।