झापा, असार २६ । झापाको बाह्रदशीमा भएको दुर्घटनामा मृत्यु हुनेको संख्या तीन पुगेको छ ।
स्कुटर चालक कचनकवल ३ डाकुपारा बस्ने ६० वर्षीय श्रीप्रसाद राजवंशीसंगै उनका ७ वर्षीय नाति आयुष राजवंशीको पनि मृत्यु भएको हो ।
गएराति ९ः२५ बजे आयुषको बीएण्डसी अस्पतालमा उपचारकै क्रममा मृत्यु भएको प्रहरीले जनाएको छ । श्रीप्रसादकी बुहारी २७ वर्षीया उर्मिला राजवंशीको अबस्था गंभीर रहेको छ । उनको आइसीयुमा उपचार भइरहेको छ ।
सो दुर्घटनामा हिजो स्कुटर चालक कचनकवल ३ डाकुपारा बस्ने ६० वर्षीय श्रीप्रसाद राजवंशी र मोटरसाइकल चालक भारत जिल्ला किशनगंज डिघलबैक थाना करलाबारी –१४ बस्ने २७ वर्षीय सुरज टुडूको मृत्यु भएको थियो ।
हिजो दिउँसो ३.४० बजे बाह्रदशी गाउँपालिका १ खयरबारीस्थित भित्री सडकखण्डमा राजगढबाट कुटीतर्फ जाँदै गरेको बीआर ३७ एजेड ६४४० नम्बरको मोटरसाइकल र बिपरीत दिशाबाट आउँदै गरेको प्र.१–०१–०१६ प ९२७० नम्बरको स्कुटर एकापसमा जुधेका थिए ।
