झापा , असार २६ । सुनसरी धरान –१७ साउने बस्ती बस्ने ३१ वर्षीया सरिता राईले घरायसी विवादका कारण आफ्नै श्रीमान ५० वर्षीय बिरबहादुर राईलाई छुरा प्रहार गरी घाइते बनाएकी छन् ।
गएराति ९;३० बजे सरिताले मादक पदार्थ सेवन गरी घरायसी विवादका कारण बिरबहादुरलाई तरकारी काट्ने छुरा प्रहार गरेकी हुन् ।
बिरबहादुरको दाहिने हातको पञ्जा, छाती र पेटमा चोट लागेको छ । घाइतेको बिपी कोईराला स्वास्थ्य बिज्ञान प्रतिष्ठान धरानमा उपचार भइरहेको छ । अस्थायी प्रहरी चौकी रेल्वेबाट प्रहरी टोली खटिएर छुरा प्रहार गर्ने सरितालाई पक्राउ गरेको छ ।
