झापा, साउन १६ । बिर्तामोड नगरपालिकाका नगर उपप्रमुख नगेन्द्र संग्रौला र वडाध्यक्ष अजय कार्कीबीचको फेसबुके विवादलाई लिएर राजनीतिक दलहरु अझ आक्रोशित भएका छन् ।
राष्ट्रिय प्रजातन्त्र पार्टी , नेकपा माओवादी केन्द्र र राष्ट्रिय स्वतन्त्र पार्टीले उपप्रमुख संग्रौलालाई कार्वाहीको मागसहित नगरपालिका कार्यालयअगाडि नाराजुलुस गरिरहेका छन् । बाक्लो संख्यामा रहेका प्रहरीले उनीहरुलाई नगरपालिका गेटभित्र प्रवेश गर्न दिएको छैन । भित्र प्रवेश गर्न नपाएपछि गेट बाहिर उनीहरुले नाराजुलुस र कोणसभा गरेका छन् ।
बिर्तामोड ३ को नवदुर्गा मन्दिर परिसरमा भेला भई राप्रपा बिर्तामोड नगर अध्यक्ष लक्ष्मी गौतमको नेतृत्वमा करिव ५०÷६० जनाको उपस्थितिमा बिरोध र्याली निकाली नगरपालिका परिसरमा पुगेर नाराबाजी गरेका थिए ।
‘सामाजिक संजालको दुरुपयोग बन्द गर ,बिर्तामोडका अराजक उपमेयरलाई कारबाही गर ,अराजक उपमेयर मुर्दाबाद ,सत्ताको आडमा गरिने गुण्डागर्दी बन्द गर ’ जस्ता नारा लगाएका थिए ।
